સ્પષ્ટતા / '.. કાર્યવાહી થશે', જન્મદિવસની શુભેચ્છા પાઠવતા દેવાયત ખવડના વાયરલ વીડિયોને લઈ પોલીસનો મોટો ખુલાસો

• દેવાયત ખવડના વાયરલ વીડિયોને લઇ પોલીસની સ્પષ્ટતા 
• સાયબર ક્રાઇમે વીડિયો મામલે કર્યો ખુલાસો
• જનતામાં ખોટી અફવા ફેલાવનાર સામે કાર્યવાહી કરવામાં આવશેઃ પોલીસ
• પીડિતના પરિવારજનોએ આંદોલનની ચીમકી ઉચ્ચારી

ફરાર દેવાયત ખવડે મોરબીના પોલીસ ઇન્સ્પેક્ટર કે.એ. વાળાના પુત્રને જન્મદિવસની શુભેચ્છા પાઠવી હતી. દેવાયત ખવડે એક વીડિયોના માધ્યમથી પોલીસ ઇન્સ્પેક્ટર કે.એ. વાળાના પુત્રને જન્મદિવસની શુભેચ્છાઓ પાઠવી હતી. જેનો વીડિયો સોશિયલ મીડિયામાં વાયરલ થયો હતો. જોકે, આ મામલે સાયબર ક્રાઇમે ખુલાસો કર્યો હતો. દેવાયત ખવડના વાયરલ વીડિયોને લઇ પોલીસે સ્પષ્ટતા કરી હતી. સાયબર ક્રાઇમે વીડિયો મામલે ખુલાસો કરતા જણાવ્યું હતું કે, વાયરલ વીડિયો વર્ષ 2020નો છે. વીડિયો જૂનો છે અમે આરોપીને પકડવા કાર્યરત છીએ. જનતામાં ખોટી અફવા ફેલાવનાર સામે કાર્યવાહી કરવામાં આવશે.
 

આંદોલનની ચીમકી ઉચ્ચારી
તો બીજી બાજુ મયુરસિંહ રાણાના પરિવારજનોએ પોલીસ પર આક્ષેપ લગાવ્યા છે. રાજકોટમાં દેવાયત ખવડની પોલીસ સાથે સાઠગાંઠનો પરિવારે આક્ષેપ કર્યો છે. આગામી 48 કલાકમાં ધરપકડ નહીં થાય તો આંદોલનની ચીમકી ઉચ્ચારી છે.

આગોતરા જામીનની કરી હતી અરજી 
રાજકોટમાં મયુરસિંહ રાણા નામના યુવક પર જીવલેણ હુમલો કરવા મામલે દેવાયત ખવડની શોધખોળ હજી પણ ચાલી રહી છે. મહત્વનું છે કે, એ-ડિવિઝન પોલીસ સ્ટેશને દેવાયત ખવડ અને તેનાં સાથીદારો સામે ગુનો નોંધાયો છે. દેવાયત ખવડ સહિત આરોપી પોલીસ પકડથી દૂર છે. દેવાયત ખવડને ઝડપવા પોલીસ પહેલા રાજકોટના ઘરે અને તેમના વતન મુળી દૂધઈ ગામે પહોંચી હતી પરંતુ તેઓ ત્યાંથી પણ મળ્યા ન હતા. દેવાયત ખવડે ધરપકડથી બચવા માટે આગોતરા જામીનની અરજી કરી હતી.

દેવાયત ખવડે આગોતરા જામીનની અરજી કરી
રાજકોટમાં હુમલો કર્યા બાદ ધરપકડથી બચવા દેવાયત ખવડે આગોતરા જામીનની અરજી કરી છે. દેવાયત ખવડે રાજકોટ કોર્ટમાં આગોતરા જામીનની અરજી કરી છે. તેમને જણાવી દઈએ કે, મયુરસિંહ રાણા પર દેવાયત સહિત તેમના સાથીઓએ હુમલો કર્યો હતો. સર્વેશ્વર ચોકમાં હુમલાના CCTV ફૂટેજ બહાર આવ્યા હતા. તેમજ અત્રે ઉલ્લેખનીય છે કે, એ-ડિવિઝન પોલીસ હજુ  સુધી દેવાયત ખવડને શોધી શકી નથી.

શું હતો સમગ્ર મામલો ? 
દેવાયત ખવડ અને તેમના સાથીદારોએ થોડા દિવસ અગાઉ એક વ્યક્તિ પર જાહેરમાં હુમલો કર્યો હતો. હુમલામાં યુવકને હાથ અને પગમાં ગંભીર ઈજા પહોંચી હતી. ઈજાગ્રસ્ત યુવકે દેવાયત ખવડ પર ગંભીર આરોપ લગાવ્યો હતો.  સર્વેશ્વર એપાર્ટમેન્ટ નજીક યુવક પર હુમલો કરાયો હતો. આ અંગેની જાણ પોલીસને થતા પોલીસની ટીમ તાત્કાલિક ઘટના સ્થળે પહોંચી હતી. ઈજાગ્રસ્ત યુવકને સારવાર માટે હોસ્પિટલ ખસેડાયો હતો.

પોલીસ પક્કડથી દૂર દેવાયત ખવડ 
હકીકતમાં દેવાયત ખવડે રાજકોટના સર્વેશ્વર ચોક નજીક મયુરસિંહ રાણા નામના યુવક પર જીવલેણ હુમલો કર્યો હોવાનો કિસ્સો પ્રકાશમાં આવ્યા બાદ પોલીસે ચોપડે ગુનો નોંધાયો હતો. જે બાદ તપાસ માટે જ્યારે પોલીસની ટીમ તેમના ઘરે પહોંચી, ત્યારે પોલીસને તેમના ઘરના મેન ગેટ પર તાળુ જોવા મળ્યું હતું અને દેવાયત ખવડનો ફોન પણ  સ્વીચ ઓફ આવી રહ્યો હતો. જેને લઈ હવે પોલીસ દેવાયત ખવડના ગામ દૂધઇ પહોંચી હતી અને ત્યાં પણ તપાસ કરી હતી પરંતુ તે ત્યાં પણ મળ્યો ન હતો.