તમારા કામનું / Cracked Heels: શિયાળામાં થાય છે એડી ફાટી જવાની સમસ્યા? આ 4 ઘરેલુ ટિપ્સ છે રામબાણ ઈલાજ

• શિયાળામાં શરીરની દેખભાળ કરવાની ખાસ જરૂર
• શિયાળામાં પગની એડીઓ ફાટવા લાગે છે
• ફાટેલી એડીઓની માખણ જેવી મુલાયમ બનાવવા અપનાવો આ ઉપાય

શિયાળામાં ઠંડી હવા અને ખરાબ વાતાવરણમાં શરીરની દેખભાળ કરવાની ખાસ જરૂર રહે છે. શિયાળામાં પગની એડીઓ ફાટવા લાગે છે, જેના કારણે દુખાવો થાય છે. હવે આ સમસ્યાથી રાહત મેળવવી માટે મોંઘી ક્રીમ અને લોશનનો ઉપયોગ કરવાની જરૂર નહીં રહે. અહીંયા અમે તમને કેટલાક એવા પ્રાકૃતિક ઉપાય વિશે જાણકારી આપી રહ્યા છીએ, જેથી તમારી ફાટેલી એડીઓને એકદમ મુલાયમ અને સુંદર બનાવી દેશે. 

મધ અને એલોવેરા- મધ અને એલોવેરામાં પ્રાકૃતિક એન્ટી ઈન્ફ્લામેટરી અને મોઈશ્ચરાઈઝિંગ ગુણ રહેલા છે. જે ફાટેલી એડીઓને એકદમ ઠીક કરે દે છે. એડીઓ મુલાયમ બને છે અને દુખાવો થતો નથી. એક ચમચી મધમાં એક ચમચી એલોવેરા જેલ મિશ્ર કરો. આ પેસ્ટ એડીઓ પર લગાવો અને 15-20 મિનિટ પછી હુંફાળા પાણીથી સાફ કરી દો. દિવસમાં બે વાર આ ઉપાય કરવો. 

નારિયેળ તેલ- નારિયેળ તેલ એક પ્રાકૃતિક મોઈશ્ચરાઈઝર છે, જે ફાટેલી એડીઓ માટે કારગર ઉપાય છે. નહાયા પછી દરરોજ પગની એડીઓ પર નારિયેળ તેલથી મસાજ કરો. આખી રાત નારિયેળ તેલ લગાવીને રાખો, તમે મોજા પહેરીને પણ સુઈ શકો છો. 

પપૈયાનું પેક- પપૈયામાં પ્રાકૃતિક એન્ઝાઈમ્સ હોય છે, જેથી ડેડ સ્કિન દૂર થાય છે અને એડીઓ મુલાયમ બને છે. પપૈયાને પીસીને તેમાં પાઉડર મિશ્ર કરો. આ પેસ્ટ ફાટેલી એડીઓ પર લગાવો અને 15 મિનિટ પછી સાફ કરી દો. સપ્તાહમાં બે વાર ઉપાય કરવાથી લાભ થશે. 

કેળા- કેળામાં ભરપૂર માત્રામાં પોટેશિયમ અને વિટામીન ઈ હોય છે, જેથી એડીઓ સુંદર બને છે અને પોષણ પ્રદાન કરે છે. કેળા પીસીને એડીઓ પર લગાવો અને 15-20 મિનિટ પછી તેને સાફ કરી લો. સપ્તાહમાં ત્રણ વાર આ ઉપાય જરૂરથી કરવો જોઈએ. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)