રાજનીતિ / લોકસભા ચૂંટણી પહેલા ગુજરાતમાં પક્ષપલટાની લહેર: પૂર્વ ઉમેદવાર-પ્રવક્તા સહિત કોંગ્રેસના આટલા નેતાઓએ કર્યા કેસરિયા

• લોકસભાની ચૂંટણી પહેલા રાજ્યના રાજકારણમાં પક્ષપલટાની લહેર 
• કોંગ્રેસના નેતાઓ, આગેવાનો અને કાર્યકરો ભાજપમાં જોડાયા 
• સાવલીના કોંગ્રેસના ઉમેદવાર કુલદીપસિંહ ભાજપમાં જોડાયા

લોકસભાની ચૂંટણી જેમ જેમ નજીક આવી રહી છે તેમ તેમ રાજકારણમાં ભારે ગરમાવો જોવા મળી રહ્યો છે. ભારે નિવદેનબાજીઓ વચ્ચે જોડ તોડની રાજનીતિ પણ શરૂ થઈ ગઈ છે.  ગાંધીનગર ખાતે કોંગ્રેસના નેતાઓ, આગેવાનો અને કાર્યકરો ભાજપમાં જોડાયા છે. પ્રેદશ ભાજપના પ્રમુખ સી આર પાટીલની હાજરીમાં કોંગ્રેસના વિવિધ હોદ્દેદારો સહિત કાર્યકરોએ પંજો છોડીને કેસરિયા કર્યા છે. 

આજે પ્રદેશ કાર્યાલય શ્રી કમલમ ખાતે વિવિધ સમાજના આગેવાનો, પૂર્વ ધારાસભ્યો અને વિવિધ પાર્ટીના પૂર્વ હોદ્દેદારોને ભારતીય જનતા પાર્ટીનો ખેસ પહેરાવી પાર્ટીમાં જોડ્યા.

આ પ્રસંગે પ્રદેશ મહામંત્રી શ્રી @rajnipatel_mla જી, પ્રદેશ ઉપાધ્યક્ષ @drbharatboghara જી સહિત પ્રદેશ હોદ્દેદારો,… pic.twitter.com/vAl1CajBwR

— C R Paatil (@CRPaatil) January 29, 2024

બાલકૃષ્ણ પટેલ ભાજપમાં જોડાયા
અત્રે જણાવીએ કે, ભાજપની નારાજ થઇ કોંગ્રેસમાંથી ચૂંટણી લડનાર બાલકૃષ્ણ પટેલ પણ ફરી ભાજપમાં જોડાયા છે.  સાથો સાથ સાવલીના કોંગ્રેસના ઉમેદવાર કુલદીપસિંહ ભાજપમાં જોડાયા છે.  કુલદીપસિંહ 2023માં કેતન ઇનામદાર સામે ચૂંટણી લડ્યા હતા.  કોંગ્રેસના OBC સેલના પ્રમુખ ઘનશ્યામ ગઢવી પણ ભાજપમાં જોડાયા છે. જ્યારે કોંગ્રેસ પ્રવક્તા સંજય ગઢવી પણ ભાજપમાં જોડાયા છે.  વિચરતી વિમુક્ત જાતિઓની પ્રદેશ સમિતિ સેલના પ્રમુખ જશવંત યોગી સહિત કોગ્રેસના 700થી વધુ કાર્યકરોને પણ ભાજપનું સભ્યપદ અપાયું છે.

વાંચવા જેવું:  3 જ દિવસ! ઠંડી બાદ હવે ગુજરાતમાં થશે તાપમાનમાં વધારો, જાણો કેટલી ડિગ્રીએ પારો ઉંચકાશે

અગાઉ MLA ધર્મેન્દ્રસિંહ વાઘેલાએ રાજીનામું આપ્યું હતું.
ચાર દિવસ અગાઉ વડોદરાના વાઘોડિયા વિધાનસભાના અપક્ષના ધારાસભ્ય ધર્મેન્દ્રસિંહ વાઘેલાએ રાજીનામું આપ્યું હતું. તેમણે પણ ભાજપમાં જોડાવાનું એલાન કરી દીધું છે. તેમણે કહ્યું હતું કે, થોડા દિવસ બાદ ભાજપમાં જોડાઈશ. મતદારો સાથે ચર્ચા કર્યા બાદ નિર્ણય લીધો અને રાજીનામું આપવાનું બીજું કોઈ કારણ ન હોવાનું પણ તેમણે ઉમેર્યું હતું.