આગાહી / 3 જ દિવસ! ઠંડી બાદ હવે ગુજરાતમાં થશે તાપમાનમાં વધારો, જાણો કેટલી ડિગ્રીએ પારો ઉંચકાશે

• તાપમાનમાં વધારો થવાની આગાહી 
• વેસ્ટર્ન ડિસ્ટર્બન્સ સક્રિય થતાં તાપમાન ઉંચકાશે
• 3 દિવસ તાપમાન યથાવત્ રહેવાની શક્યતા 

રાજ્યના હવામાનને લઈ ફરી એકવાર આગાહી સામે આવી છે. જે મુજબ હવે રાજ્યના તાપમાનમાં વધારો થશે. વેસ્ટર્ન ડિસ્ટર્બન્સ સક્રિય થતાં તાપમાન ઉંચકાશે. આગામી 3 દિવસ તાપમાન યથાવત્ રહેવાની શક્યતા છે. 

આગામી સમયમાં ગરમીનો અનુભવ થશે 
હવામાન વિભાગની આગાહી મુજબ આગામી 3 દિવસ બાદ તાપમાનમાં 4 ડિગ્રીનો વધારો થશે. જેના પગલે ગરમીનો પારો ઉચકશે. આગામી 3 દિવસ તાપમાન યથાવત રહેશે. 3 દિવસ બાદ 3થી 4 ડિગ્રી તાપમાન વધતા ઠંડીમાંથી ગુજરાતીઓને રાહત મળશે અને ગરમીનુ અહેસાસ થશે. 

વાંચવા જેવું: ગુજરાતની 4 બેઠકો માટે રાજ્યસભાની ચૂંટણી તારીખ જાહેર, આગામી 8મીએ નોટિફિકેશન, જાણો વિગત

ગાંધીનગરમાં સૌથી ઓછું 11 ડિગ્રી તાપમાન નોંધાયું
વેસ્ટર્ન ડીટર્બન્સ સક્રિય થતાં તાપમાન ઉંચકાશે. હવામાન વિભાગે એ પણ જણાવ્યું કે, ગરમીની સાથે સાથે ઉત્તર ગુજરાત કોસ્ટમાં ઉત્તર પશ્ચિમી પવન ફૂંકાશે. દક્ષિણ ગુજરાત કોસ્ટમાં ઉત્તર પૂર્વીય પવન રહેશે. આપને જણાવીએ કે, પવનની ગતિ 15 કિમી આસપાસની સંભાવના છે. જોકે હાલ ગાંધીનગરમાં સૌથી ઓછું 11 ડિગ્રી તાપમાન નોંધાયું છે. જ્યારે અમદાવાદમાં 14 ડિગ્રી આસપાસ તાપમાન નોંધાયું છે.