જીમમાં કલાકો સુધી પરસેવો પાડવો આજકાલ યંગસ્ટર્સનો ક્રેઝ બની ચુક્યો છે. એક બાજુ જ્યાં લોકો સ્થૂળતાનો શિકાર થઈ રહ્યા છે તો ત્યાં જ અમુક લોકો ઓર એક્સરસાઈઝ અને ફિટનેસના દિવાના થઈ રહ્યા છે. ફિટ રહેવું ખૂબ જ જરૂરી છે. પરંતુ ફિટનેસનું જનૂન સ્વાસ્થ્ય માટે સારૂ નથી.
જો તમે ફિટનેસ માટે રોજ જીમ જઈને એક્સરસાઈઝ કરો છો તો તમને અમુક વાતોનું ખાસ ધ્યાન રાખવું જોઈએ. જો તમે પહેલી વખત જીમ જઈ રહ્યા છો અથવા તો જીમ જોઈન કરવાનો પ્લાન કરી રહ્યા છો તો આ વાત તમારા માટે ખૂબ જ જરૂરી છે. જીમ જઈને એક્સરસાઈઝ કરતા પહેલા તમારે આ 3 વાતોનું ખાસ ધ્યાન રાખવું જોઈએ.
સ્ટ્રેચિંગ છે જરૂરી
જીમમાં હેવી વર્કઆઉટ કરતા પહેલા તમારે સ્ટ્રેચિંગ જરૂર કરવી જોઈએ. આમ તો ટ્રેનર વોર્મઅપ કરાવે છે પરંતુ જો તમે કોઈ ટ્રેનર વગર જીમમાં જઈને એક્સરસાઈઝ કરી રહ્યા છો તો તમને સૌથી પહેલા શરીરને ચાર્જ કરવું જરૂરી છે. કોઈ પણ વર્કઆઉટ પહેલા વોર્મઅપ કરો. તેનાથી મસલ્સમાં ઈજા અને દુખાવો ઓછો થાય છે. ત્યાં જ એક્સરસાઈઝ બાદ બોડીને કૂલડાઉન કરવા માટે પણ 5-10 મિનિટનો સમય આપો. ત્યારે તમે હલ્કી સ્ટ્રેચિંગ કરી શકો છો.
ડિહાઈડ્રેશન
જીમ જતી વખતે ધ્યાન રાખો કે પાણીની બોટલ તમારી સાથે હોવી જોઈએ. એક્સરસાઈઝની વચ્ચે જો ગળુ સુકાવવા લાગે તો પાણીના નાના નાના ઘૂંટ પી શકો છો. એક સાથે વધારે પાણી ન પીવો. જે લોકો વર્કઆઉટ સમયે પાણી નથી પીતા તેમને પરેવો નિકળવાથી ડિહાઈડ્રેશનની સમસ્યા થઈ શકે છે. તેનાથી બોડી પર ખરાબ અસર પડે છે. તમે નારિયેળ પાણી કે લીંબૂ પાણી પણ પી શકો છો.
વધુ વાંચો: સ્વાસ્થ્ય માટે કંઇ વરદાનથી કમ નથી કાળી દ્વાક્ષ, ફાયદા જાણશો તો આજથી જ ખાવાનું શરૂ કરી દેશો
વર્કઆઉટ પહેલા અને બાદમાં ખાવું જરૂરી
જો તમે હેવી વર્કઆઉટ કરો છો તો તમારે હલ્કુ કંઈક ખાઈને જવું જરૂરી છે. જીમ જવાના અડધા કલાક પહેલા તમે ઈંડુ કે કેળા ખાઈ શકો છો. હેવી વર્કઆઉટ બાદ 30 મિનિટની અંદર કંઈકને કંઈક ખાઓ. પહેલાથી જ કંઈક સ્નેક તૈયાર કરી શકો છો. જેને એક્સરસાઈઝ બાદ ખાઈ શકાય. તેનાથી એનર્જી મળશે અને મસલ્સના દુખાવામાં પણ આરામ મળશે. જોકે તળેલી વસ્તુઓનું સેવન ન કરો.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
