સ્પોર્ટ્સ / ICC રેન્કિંગમાં નંબર-1 બનતા રવિ બિશ્નોઈને હરખ નથી સમાતો, સોશિયલ મીડિયા પર ધૂમ મચાવી રહ્યો છે આ Video

• રવિ બિશ્નોઈ T20I રેન્કિંગમાં નંબર 1 બોલર
• રવિ બિશ્નોઈ ખૂબ જ ખુશ જોવા મળી રહ્યા છે
• રવિ બિશ્નોઈએ શેર કર્યો તેમનો અનુભવ

ભારતીય યુવા સ્પિનર રવિ બિશ્નોઈ T20I રેન્કિંગમાં નંબર 1 બોલર બની ગયા છે. ICC રેન્કિંગમાં પહેલા નંબરે આવતા રવિ બિશ્નોઈ ખૂબ જ ખુશ જોવા મળી રહ્યા છે. 

રવિ બિશ્નોઈ- પ્લેયર ઓફ ધ સીરિઝ
વર્લ્ડ કપ 2023 પછી ભારતે ઓસ્ટ્રેલિયા સામેની T20 સીરિઝમાં 4-1થી જીત મેળવી છે. રવિ બિશ્નોઈને આ સીરિઝ માટે પ્લેયર ઓફ ધ સીરિઝ એવોર્ડ આપવામાં આવ્યો છે. રવિ બિશ્નોઈએ વેસ્ટ ઈન્ડીઝ સામે ફેબ્રુઆરી 2022માં ડેબ્યુ કર્યું હતું, ત્યારપછી 21 T20 મેચમાં કુલ 34 વિકેટ લીધી છે. 

BCCIએ વિડીયો પોસ્ટ કર્યો
BCCIએ એક વિડીયો પોસ્ટ કર્યો છે, જેમાં રવિ બિશ્નોઈએ જણાવ્યું છે કે, ‘આ એક ખૂબ જ સારો અનુભવ છે. મેં સપનામાં પણ નંબર વન બોલર બોલર બનવા બાબતે વિચાર્યું નહોતુ. અત્યારે નંબર 1 પોઝિશન પર છું તો મને ખૂબ જ સારું લાગી રહ્યું છે. હું આશા રાખુ છું કે, હવે પછી આ પ્રકારે જ પ્રદર્શન કરીશ અને ટીમને જીત અપાવવામાં મદદ કરીશ.’

How does it feel to become the ICC Men's No. 1️⃣ T20I Bowler 🤔

Hear what #TeamIndia leg-spinner Ravi Bishnoi said 👇#SAvIND pic.twitter.com/Szg1BYfFeD

— BCCI (@BCCI) December 8, 2023

એશિયા કપમાં તક મળી હતી
રવિ બિશ્નોઈએ વધુમાં જણાવ્યું કે, ‘મેં 15 ફેબ્રુઆરીએ ડેબ્યૂ કર્યું હતું અને આ સફરમાં ખૂબ જ ઉતાર ચઢાવ આવ્યા, પરંતુ છેલ્લુ દોઢ વર્ષ ખૂબ જ સારું રહ્યું છે. મને મેચ રમવાની સારી તક મળી હતી. આ દરમિયાન એશયન ગેમ્સમાં એશિયા કપમાં પણ રમ્યો હતો.’

પરિશ્રમનું પરિણામ
રવિ બિશ્નોઈ જણાવે છે કે, ‘મને રમવાની તક મળી છે. જ્યારે પણ રમવાની તક મળશે ત્યારે હું સારું રમીશ. આ છેલ્લા 5 વર્ષની મહેનતનું પરિણામ છે.’

2020માં લોકોની નજરમાં આવ્યા હતા
રવિ બિશ્નોઈએ પહેલી વાર સાઉથ આફ્રિકામાં રમવામાં આવેલ ICC U19 વર્લ્ડ કપ 2020માં લોકોનું ધ્યાન પોતાની તરફ આકર્ષિત કર્યું હતું. તે ટુર્નીમેન્ટમાં રવિ બિશ્નોઈએ સૌથી વધુ 17 વિકેટ લીધી હતી અને ભારત તેમાં બાંગ્લાદેશ સામે રનર અપ રહ્યા હતા.