મહામારી / કોરોના સામેની જંગમાં બનાસ ડેરીના પશુપાલકો આવ્યા મેદાને, 72 કલાકમાં એકઠાં કર્યા આટલા કરોડ

Kavan

Last Updated: 08:58 PM, 25 April 2020

FOLLOW ON

શેર કરો

કોરોના વાયરસે સમગ્ર રાજ્ય સહિત દેશમાં ભરડો લીધો છે, ગુજરાતમાં કોરોનાના આંકડા 3000ને પાર પહોંચ્યા છે તો અમદાવાદમાં ચિંતાજનક રીતે કોરોનાનો ફેલાવો થઇ રહ્યો છે. આ મહામારીને મ્હાત આપવા માટે રાજ્ય સરકાર તથા કેન્દ્ર સરકાર દ્વારા રાહત ફંડ શરૂ કરવામાં આવ્યા છે ત્યારે આજરોજ બનાસડેરીના પશુપાલકોએ કરોડો રૂપિયાનું દાન આ મહામારીને અટકાવવા માટે ઉપયોગમાં લેવાતા ફંડમાં આપ્યું છે.

બનાસ ડેરીના પશુપાલકોનું પીએમ રાહત કોષમાં મોટું દાન
જિલ્લાના પશુપાલકોએ 7 કરોડ 14 લાખ રૂપિયા કર્યા એકત્ર

આ અંગે પ્રાપ્ત થતી વધુ વિગત પ્રમાણે બનાસ ડેરી સાથે જોડાયેલા તમામ પશુપાલકોને ડેરીના ચેરમેન શંકરભાઇ ચૌધરીઓ કોરોના સામેની જંગમાં પોતાનો યથા શક્તિ ફાળો આપવા માટે અપીલ કરી હતી.

ડેરીના ચેરમેનની હાકલને સ્વીકારી 7 કરોડ 14 લાખ કર્યા એકઠાં

No photo description available.

ડેરીના ચેરમેને શંકરભાઇ ચૌધરીની આ હાકલને તમામ પશુપાલકોએ સહર્ષ સ્વીકારીને માત્ર 72 કલાકની અંદર જ 7 કરોડથી વધુનું દાન એકત્ર કર્યું હતું અને ડેરી સુધી પહોંચાડ્યું હતું. ત્યારબાદ આ એકત્ર કરાયેલા 7 કરોડ 14 લાખ રૂપિયા આજરોજ પ્રધાનમંત્રી રાહત ફંડમાં દેશ સેવા માટે આપવામાં આવ્યા હતા.

2 લાખથી વધુ પશુપાલકોએ આપ્યું દાન

આપને જણાવી દઇએ કે, બનાસડેરી સાથે સંકળાયેલા આશરે 2 લાખથી પણ વધુ પશુપાલકોએ પોતાની ઇચ્છા-અનુકુળતા પ્રમાણે કોરોના સામેની લડાઇ લડતા દેશ માટે પોતાનું દાન આપ્યું હતું. નોંધનીય છે કે, બનાસડેરીએ લૉકડાઉનની સ્થિતિમાં પણ તમામ પ્રકારની સાવચેતી રાખીને પશુપાલકોનું દૂધ ચાલુ રાખ્યું છે. ડેરીના ચેરમેને પણ ડેરી સાથે સંકળાયેલા તમામ પશુપાલકોનો આભાર માન્યો હતો.

સંકળાયેલા મુદ્દાઓ

coronavirus in Gujarat કોરોના વાયરસ પ્રધાનમંત્રી રાહત ફંડ બનાસ ડેરી coronavirus