ડીલ / વેચાઈ ગઈ અદાણીની આ મોટી કંપની, વિદેશી ફર્મે કરી ડીલ, થઈ ગયું એલાન

• અમેરિકાની બેઇન કેપિટલે અદાણી ગ્રુપની કંપની ખરીદી
• અદાણી કેપિટલ અને અદાણી હાઉસિંગમાં 90 ટકા હિસ્સો ખરીદી લીધો
• અદાણી જૂથની આ કંપની વધારાના 120 મિલિયનનું રોકાણ કરશે

અમેરિકા ખાતે આવેલ સ્થિત વિદેશી ઇન્વેસ્ટમેન્ટ ફર્મે બેઇન કેપિટલના જણાવાયા અનુસાર તેણે અદાણી જૂથની ફાઇનાન્સ કંપની અદાણી કેપિટલ અને અદાણી હાઉસિંગમાં 90 ટકા હિસ્સો ખરીદી લેશે. આ ડીલ હેઠળ બેઈન કેપિટલ અબજોપતિ ગૌતમ અદાણીની નોન-બેંકિંગ ફાઈનાન્સ કંપની (NBFC)માં 90 ટકા હિસ્સો ખરીદશે. જ્યારે બાકીનો 10 ટકા હિસ્સો મેનેજમેન્ટ, MD અને CEO ગૌરવ ગુપ્તા પાસે રહેશે. જે મામલે સત્તાવાર જાહેરાત કરાઇ છે. બેઇન કેપિટલ પોતાનો હિસ્સો હસ્તગત કરી લીધા બાદ અદાણી જૂથની આ કંપની વધારાના 120 મિલિયનનું રોકાણ કરશે.

ભરોસો ફરી મેળવવા માટે અનેક પગલાંઓ

નોંધનીય છે કે હીંડનબર્ગ રિપોર્ટ બાદ ગૌતમ અદાણી સમૂહમાં ખળભળાટ મચી ગયો છે અને તેમની સામે અનેક સવાલો ઊભા થયા છે. રિપોર્ટને પગલે રોકાણકારનો ભરોસો પણ ઓછો થયો છે. જોકે અદાણી જૂથ દ્વારા રોકાણકારોનો ભરોસો ફરી મેળવવા માટે અનેક પગલાંઓ પણ લેવાયા છે. જેના ભાગરૂપે અલગ અલગ પ્રકારના ફંડ મેળવવાની યોજના પણ બનાવવામાં આવી રહી છે.

33,000 કરોડ એકત્ર કરવાની દિશામાં આયોજન

અદાણી ગ્રૂપની ત્રણ લિસ્ટેડ કંપનીઓ - અદાણી એન્ટરપ્રાઇઝ, અદાણી ગ્રીન એનર્જી અને અદાણી ટ્રાન્સમિશન દ્વારા વર્ષના અંત સુધીમાં ક્વોલિફાઇડ ઇન્સ્ટિટ્યુશનલ પ્લેસમેન્ટ (QIP) શરૂ કરીને રૂ. 33,000 કરોડ એકત્ર કરવાની દિશામાં આયોજન ઘડી રહ્યું છે.