Ayodhya Ram Mandir / અયોધ્યા રામ મંદિર: કઈ રીતે લીક થઈ ગઈ રામજીની તસવીરો? એક્શનમાં આવ્યું ટ્રસ્ટ

• રામલલાની સંપૂર્ણ મૂર્તિની પ્રથમ તસવીર ગઇકાલે સામે આવી હતી. 
• રામ જન્મભૂમિ તીર્થ ક્ષેત્ર ટ્રસ્ટ મૂર્તિની તસવીર લીક થવા પર નારાજ છે.
• મંદિરનું નિર્માણ કરનારી કંપનીના અધિકારીઓ સામે કાર્યવાહી થઈ શકે છે. 

અયોધ્યામાં રામ મંદિરના ગર્ભગૃહમાં સ્થાપિત રામલલાની સંપૂર્ણ મૂર્તિની પ્રથમ તસવીર ગઇકાલે સામે આવી હતી અને સોશિયલ મીડિયા પર વાયરલ થઈ ગઈ હતી. તસવીરમાં જોવા મળ્યું હતું કે રામલલાની મૂર્તિ 5 વર્ષની વયના શ્રી રામના બાળ સ્વરૂપની પ્રતિમા અને મૂર્તિમાં તેમનું મોહક સ્મિત દેખાય છે અને તેમના હાથમાં ધનુષ અને બાણ છે. 22મી જાન્યુઆરીએ આ મૂર્તિમાં પ્રાણ પ્રતિષ્ઠા કરવામાં આવશે.

Ayodhya Ram Mandir: કેમેરા સમક્ષ આવી રામલલાની પ્રથમ પૂર્ણ તસવીર, હસતા મુખારવિંદ સાથે કરો ભગવાન રામના દર્શન#Ayodhya #RamMandirPranPratishta #RamMandir #AyodhyaRamTemple #AyodhyaRamMandir #vtvgujarati pic.twitter.com/6KqfJ3el2h

— VTV Gujarati News and Beyond (@VtvGujarati) January 19, 2024

દરમિયાન અત્યારે વાત એવી છે કે રામ જન્મભૂમિ તીર્થ ક્ષેત્ર ટ્રસ્ટ ભગવાન શ્રી રામની મૂર્તિની તસવીર લીક થવા પર નારાજ છે. ટ્રસ્ટ શ્રી રામ મંદિરનું નિર્માણ કરનારી કંપનીના અધિકારીઓ સામે કાર્યવાહી કરી શકે છે. એવું માનવામાં આવે છે કે આ કંપનીના જ કોઈએ ફોટો ખેંચીને વાયરલ કર્યો છે. જો કે હજુ સુધી એ વાતની પુષ્ટિ થઈ નથી કે ફોટો કોણે વાયરલ કર્યો? 

આ સાથે જ એવું પણ કહેવામાં આવે છે કે આ મૂર્તિનો જૂનો ફોટો હશે. એક વખત મૂર્તિ સ્થાપિત થઈ ગયા બાદ પ્રાણ પ્રતિષ્ઠા પ્રક્રિયા પૂર્ણ થાય એ પહેલા મૂર્તિની આંખો ખૂલી રાખવામાં નથી આવતી. 

જ્યાં સુધી પ્રાણ પ્રતિષ્ઠા નહીં થાય ત્યાં સુધી રામલલાના નેત્ર ખોલવામાં આવશે નહીં#Ayodhya #RamMandirPranPratishta #RamMandir #AyodhyaRamTemple #ShriRamHomecoming #SabkeRam #AyodhyaRamMandir #vtvgujarati

VIDEO SOURCE : ANI pic.twitter.com/WubNq7wnuu

— VTV Gujarati News and Beyond (@VtvGujarati) January 20, 2024

શ્રી રામ જન્મભૂમિ તીર્થ ક્ષેત્રના મુખ્ય પૂજારી આચાર્ય સત્યેન્દ્ર દાસ ભગવાન રામની પ્રતિમાની તસવીર પ્રાણ પ્રતિષ્ઠા પહેલા વાયરલ થવાને લઈને નારાજ છે. તેમણે કહ્યું, 'પ્રાણ પ્રતિષ્ઠા પ્રક્રિયા પૂર્ણ થાય તે પહેલાં રામલલાની મૂર્તિની આંખો ખોલી શકાતી નથી. જે પ્રતિમામાં ભગવાન રામની આંખો દેખાય છે તે વાસ્તવિક નથી. આંખો દેખાતી હોય તો આ તસવીર કોણે વાયરલ કરી? તેની તપાસ થવી જોઈએ.

વધુ વાંચો: દિવસભર માત્ર નારિયેળ પાણી પીવું, ગાયની સેવા અને વસ્ત્રદાન: જાણો PM મોદીની 11 દિવસની ખાસ દિનચર્યા

મૂર્તિને ગઈકાલે ગર્ભગૃહમાં રાખવામાં આવી હતી.આપને જણાવી દઈએ કે રામલલાના બાળ સ્વરૂપની આ મૂર્તિને શુક્રવારે સંપૂર્ણ વિધિ-વિધાન સાથે ગર્ભગૃહમાં રાખવામાં આવી હતી. આ મૂર્તિને 22 જાન્યુઆરીએ પવિત્ર કરવામાં આવશે અને ત્યારબાદ પીએમ નરેન્દ્ર મોદી દ્વારા મંદિરનું ઉદ્ઘાટન કરવામાં આવશે. મૂર્તિને ગર્ભગૃહમાં મૂક્યા બાદ મંદિર પ્રશાસન દ્વારા તેની તસવીર જાહેર કરવામાં આવી હતી, જેમાં તેની આંખોને પટ્ટીથી ઢાંકવામાં આવી હતી.