ખોટામાંથી સારુ / 'હેલ્મેટ પહેરજો નહીંતર અવેશની જેમ દંડાશો' ક્રિકેટરની હરકતને પોઝિટીવમાં ફેરવી નાખી સરકારે, જૂઓ શું કર્યું

• બેંગ્લોર સામેની જીત બાદ લખનઉના ખેલાડી અવેશ ખાને ઉતારીને પછાડ્યું હતું હેલ્મેટ 
• ઓડિશા સરકારે  હેલ્મેટ પછાડવાની હરકતનો લાભ ઉઠાવ્યો
• લોકોને આપ્યો રોડ સેફ્ટીનો મેસેજ
• કહ્યું- હેલ્મેટ પહેરજો નહીંતર અવેશની જેમ દંડાશો 

ઈન્ડિયન પ્રીમિયર લીગ (આઇપીએલ) 2023માં રોયલ ચેલેન્જર્સ બેંગ્લોર સામે લખનઉ સુપર જાયન્ટ્સના વિજયની જે રીતે ઉજવણી 
અવેશ ખાને કરી હતી, તેનાથી ચાહકો અને નિષ્ણાતોને ભારે આઘાત લાગ્યો છે. જીત બાદ અવેશે પોતાનું હેલ્મેટ ઉતાર્યું હતું અને સાથી ખેલાડીઓ સાથે ઉજવણીની શરુઆત કરતાં પહેલાં તેને મેદાન પર ફેંકી દીધું હતું. આ બદલ અવેશને દંડ પણ કરાયો હતો પરંતુ અવેશના આ કામનો સૌથી મોટો લાભ ઓડિશા સરકારે લઈ લીધો છે. 

શું સંદેશ આપ્યો ઓડિશા ટ્રાન્સપોર્ટ ઓથોરિટીએ 

ઓડિશા સ્ટેટ ટ્રાન્સપોર્ટ ઓથોરિટી હેલ્મેટ ફેંકીને પછાડવાની હરકતને એક પોઝિટીવ સંદેશમાં ફેરવી નાખી અને રોડ સેફ્ટીની જાહેરખબર તરીકે તેનો ઉપયોગ કરી લીધો.  અવેશની હેલ્મેટ ઉતારી ફેંકવાની હરકતને પોઝિટીવ સંદેશમાં ફેરવી નાખતાં ઓડિશા સ્ટેટ રોડ ટ્રાન્સપોર્ટ વિભાગે લોકોને એવો મેસેજ આપ્યો કે #IPL પાસેથી #RoadSafety પાઠ. ક્રિકેટમાં અને ટુ-વ્હીલર ચલાવતી વખતે હેલ્મેટ પહેરવું તમારી સલામતી માટે છે. તેનો અનાઆદર ન કરો નહીં તો તમારે દંડ ચુકવવાનો વારો આવશે.  

શું ઘટના બની હતી 
રોયલ ચેલેન્જર્સ બેંગ્લોર સામેની પોતાની ટીમ લખનઉ સુપર જાયન્ટ્સની જીત બાદ અવેશ ખાને પહેરેલું હેલ્મેટ ઉતારીને જોરથી મેદાનમાં પકટ્યું હતું. લખનઉની ટીમે છેલ્લા બોલે આ મેચ જીતી લીધી હતી અને તેથી ઉત્સાહમાં આવેલા અવેશે આવું કર્યું હતું જોકે તેને કારણે અવેશને મેચ રેફરીનો ઠપકો પણ સાંભળવો પડ્યો હતો.