BIG BREAKING / ઓસ્ટ્રેલિયામાં મોટી દુર્ઘટના: ગંભીર માર્ગ અકસ્માતમાં બસ પલટી મારતા 10નાં મોત, 11 ઘાયલ

• ઑસ્ટ્રેલિયામાં બસ પલટી જવાની દુર્ઘટના
• અકસ્માતમાં 10 લોકોનું મોત, 11 ઘાયલ, 18નો રેસ્ક્યૂ
• ધુમ્મસને લીધે બસ પલટી હોવાનું પ્રાથમિક અનુમાન

ઑસ્ટ્રેલિયાનાં ન્યૂ સાઉથ વેલ્સ NSWનાં હંટર વેલીમાં વાઈન કાઉંટી ડ્રાઈવ પર એક બસ પલટી જવાનો ગંભીર બનાવ બન્યો છે. આ અકસ્માતમાં અત્યારસુધી 10 લોકોનું મોત નોંધાયું છે જ્યારે 11 લોકો ગંભીરરીતે ઘાયલ થયાં છે. ઘાયલોને હેલિકોપ્ટર અને બાય-રોડ નજીકનાં હોસ્પિટલમાં લઈ જવામાં આવી રહ્યું છે. મળેલ માહિતી અનુસાર આ બસમાં 40 લોકો સવાર હતાં.

18 લોકોનો બચાવ
આ દુર્ઘટનામાં 18 યાત્રીઓનો બચાવ કરવામાં આવ્યો છે. બસ ચાલક અને એક 58 વર્ષીય વ્યક્તિની તબયિત ગંભીર છે. તેઓ હાલમાં હોસ્પિટલ ખાતે સારવાર હેઠળ છે. 

પોલીસે આ ઘટનાની જાણકારી આપી
પોલીસે જણાવ્યું કે આ અકસ્માત રાત્રે 11.30 પછી થયો હતો. હાલમાં એવું માનવામાં આવી રહ્યું છે કે આ અકસ્માત ધુમ્મસને લીધે થયો હતો. જો કે અમે આસપાસનાં એરિયાને કવર કરી દીધું છે. હાલમાં આ વિસ્તારમાં અવર-જવર પર પ્રતિબંધ મૂકવામાં આવ્યો છે.

Australia: 10 killed, 11 rushed to hospital after bus crashes in Hunter Valley

Read @ANI Story | https://t.co/6jJ3CQX5Uh#Australia #HunterValley #accident pic.twitter.com/p1JcIpLTav

— ANI Digital (@ani_digital) June 11, 2023

બસમાં 40 લોકો સવાર
ઑસ્ટ્રેલિયાની મીડિયા અનુસાર આ બસમાં આશરે 40 લોકો સવાર હતાં જે વેંડિન એસ્ટેટ વાઈનરીમાં એક લગ્ન પ્રસંગમાં શામેલ થયાં હતાં. આ તમામ લોકો કાર્યક્રમમાં શામેલ થયાં બાદ પાછા આવી રહ્યાં હતાં ત્યારે આ દુર્ઘટના બની છે.