- પાકિસ્તાન ક્રિકેટ ટીમ નબળી ફિલ્ડિંગ હંમેશા સમાચારોમાં રહે છે.
- મેલબોર્નમાં રમાઈ રહેલી બીજી ટેસ્ટમાં પણ આવું જ થયું.
- પાકિસ્તાની ખેલાડીએ આસાન કેચ છોડી દીધો, જેનો વિડીયો વાયરલ થયો.
ઓસ્ટ્રેલીયા અને પાકિસ્તાન વચ્ચે ત્રણ મેચોની ટેસ્ટ સીરિઝની બીજી મેચ આજે મેલબર્ન ક્રિકેટ ગ્રાઉન્ડમાં રમાઈ રહી છે. 26 ડિસેમ્બરે શરૂ થનાર આ ટેસ્ટ મેચમાં પાકિસ્તાનના કેપ્ટન શાન મસૂદે ટૉસ જીતીને પહેલા બોલિંગ કરવાનો નિર્ણય લીધો હતો.
પાકિસ્તાન ક્રિકેટ ટીમ નબળી ફિલ્ડિંગ હંમેશા સમાચારોમાં રહે છે. પાકિસ્તાની ખેલાડીઓનું ફિલ્ડિંગ લેવલ હંમેશાથી ખૂબ જ નબળું રહ્યું છે અને મેલબોર્નમાં રમાઈ રહેલી બીજી ટેસ્ટમાં પણ આવું જ જોયું. પાકિસ્તાની ખેલાડીએ એક આસાન કેચ છોડી દીધો હતો જેનો વીડિયો હાલ સોશિયલ મીડિયા પર વાયરલ થઈ રહ્યો છે.
ઓસ્ટ્રેલિયા ક્રિકેટ ટીમનો મજબૂત ઓપનર ડેવિડ વોર્નર હાલમાં શાનદાર ફોર્મમાં છે, વોર્નરે પ્રથમ ટેસ્ટમાં 164 રનની જોરદાર ઇનિંગ રમી હતી. મેલબોર્ન ટેસ્ટમાં ડેવિડ વોર્નરને સસ્તામાં આઉટ કરવાની પાકિસ્તાન પાસે સારી તક હતી, જેને અબ્દુલ્લા શફીકે વેડફી નાખી હતી.
થયું એવું કે પાકિસ્તાનના ફાસ્ટ બોલર શાહીન શાહ આફ્રિદીએ એક શાનદાર બોલ ફેંક્યો હતો અને આ બોલ રમતી વખતે વોર્નરે શોટ લગાવવાની કોશિશ કરી પરંતુ બોલ તેના બેટની કિનારી સાથે અથડાઇને સીધો પ્રથમ સ્લિપમાં ઉભેલા અબ્દુલ્લા શફીકના હાથમાં ગયો હતો. તેની પાસે સહેલાઈથી આ કેચ આવ્યો હતો અને આ માટે તેને પોતાની જગ્યાએથી ખસવાનું પણ ન હતું.
જોકે શફીક કંઈ ખાસ કમાલ કરી શક્યો નહીં કેચ ચૂકી ગયો હતો.શફીકે વોર્નરનો કેચ છોડ્યો ત્યારે તે માત્ર 2 રન પર બેટિંગ કરી રહ્યો હતો. જોકે, આ ડ્રોપ કેચને કારણે પાકિસ્તાનને વધુ નુકસાન સહન કરવું પડ્યું નથી. વોર્નર 83 બોલમાં 38 રન બનાવીને સલમાન અલી અગાના બોલ પર આઉટ થયો હતો.
