ક્રિકેટ / અશ્વિન-જાડેજાની જોડીએ રંગ રાખ્યો: બની ટેસ્ટ ક્રિકેટમાં આ કમાલ કરનારી બીજા નંબરની ભારતીય જોડી

• અશ્વિન અને જાડેજાએ વેસ્ટ ઈન્ડિઝ સામેની બીજી ટેસ્ટમાં કમાલ કરી બતાવ્યો
• રેડ બોલ ક્રિકેટમાં આ જોડીના નામે 500 વિકેટ થઈ ગઈ છે
• ક્રિકેટના સૌથી લાંબા ફોર્મેટમાં આવી સિદ્ધિ મેળવનારી ભારતની બીજી જોડી બની

ટીમ ઈન્ડિયાની ડેડલી સ્પિનરની જોડી રવિચંદ્રન અશ્વિન અને રવિન્દ્ર જાડેજાએ રવિવારે વેસ્ટ ઈન્ડિઝ સામેની બીજી ટેસ્ટમાં કમાલ કરી બતાવ્યો હતો. જણાવી દઈએ કે હવે રેડ બોલ ક્રિકેટમાં આ જોડીના નામે 500 વિકેટ થઈ ગઈ છે. અશ્વિન- જડ્ડુની જોડી ક્રિકેટના સૌથી લાંબા ફોર્મેટમાં આવી સિદ્ધિ મેળવનારી ભારતની બીજી અને કુલ 12મી જોડી બની છે. જો આ બંને પોર્ટ ઓફ સ્પેનમાં ચાલી રહેલી બીજી ટેસ્ટના છેલ્લા દિવસે વધુ બે વિકેટ લેવામાં સફળ થાય છે, તો એ બંને અનિલ કુંબલે અને હરભજન સિંહની જોડીને પાછળ મૂકીને તેઓ ભારતની નંબર-1 જોડી બની જશે. તમને જણાવી દઈએ કે, વેસ્ટ ઈન્ડિઝ સામેની આ બે મેચની ટેસ્ટ સિરીઝમાં અશ્વિન અને જાડેજાએ કુલ 22 વિકેટ લીધી છે.

History by Ashwin - Jadeja.

The duo completed 500 wickets as a pair in Test cricket.

The Greatest spin duo ever. pic.twitter.com/yHsEkWxvMU

— Johns. (@CricCrazyJohns) July 23, 2023

હાલમાં અનિલ કુંબલે અને હરભજન સિંહ વિકેટના મામલે ભારતની સૌથી સફળ જોડી છે. આ બંનેએ એકસાથે રમાયેલી 54 મેચોમાં કુલ 501 ટેસ્ટ વિકેટ લીધી છે. કુંબલેના નામે 281 જ્યારે ભજ્જીના નામે 220 વિકેટ છે.  બીજી તરફ અશ્વિન અને જાડેજાની જોડીની વાત કરીએ તો બંનેએ આ 500 વિકેટ લેવા માટે એકસાથે 49 મેચ રમી હતી.જેમાંથી 274 વિકેટ અશ્વિનના નામે અને 226 વિકેટ રવિન્દ્ર જાડેજાના નામે છે. આ જોડીને હવે ભારતની નંબર-1 જોડી બનવા માટે બે વિકેટની જરૂર છે.  

બીજી તરફ જો વિશ્વ ક્રિકેટની વાત કરીએ તો જેમ્સ એન્ડરસન અને સ્ટુઅર્ટ બ્રોડની જોડીના નામે સૌથી વધુ 1034 વિકેટ લેવાનો વર્લ્ડ રેકોર્ડ છે.તાજેતરમાં, તેણે વિશ્વ ક્રિકેટમાં પ્રથમ 1000 વિકેટ લેનાર શેન વોર્ન અને મેકગ્રાની જોડીને પાછળ છોડી દીધી.આ જોડીના નામે કુલ 1001 વિકેટ છે.

Most wickets as a bowling pair for India in Tests:

Kumble and Harbhajan - 501.

Ashwin and Jadeja - 500*.

- The GOAT duo..!! pic.twitter.com/260BwVLOqz

— Mufaddal Vohra (@mufaddal_vohra) July 23, 2023

પોર્ટ ઓફ સ્પેનમાં ચાલી રહેલી બીજી ટેસ્ટની વાત કરીએ તો ચોથા દિવસની રમતના અંત સુધી યજમાન ટીમે 365 રનનો પીછો કરતા 2 વિકેટ ગુમાવીને 76 રન બનાવી લીધા છે.વિન્ડીઝ અત્યારે જીતથી 289 રન દૂર છે, જ્યારે ભારતને જીતવા માટે 8 વિકેટની જરૂર છે.