Video / ઉનાળો શરૂ થતા જ ભાવનગરના જળાશયો તળિયાઝાટક, BMC કર્યો પૂરતા પાણીનો દાવો, જુઓ શું કહી રહી છે જનતા

Priyakant

Last Updated: 09:45 AM, 4 April 2024

FOLLOW ON

શેર કરો

Bhavnagar Water Problem Latest News: ઉનાળો શરૂ થતાં જ પાણીનું સંકટ, ભાવનગરમાં પાણીની પારાયણ, જળાશયોના દેખાયા તળિયા

Bhavnagar Water Problem : ઉનાળાની શરૂઆત જ થઈ છે ત્યાં તો પાણીનો કકળાટ શરૂ થઈ ગયો છે. ભાવનગર શહેરમાં પણ પીવાના પાણીની અછતના એંધાણ દેખાઈ રહ્યા છે. જળાશયો તળિયાઝાટક થઈ ગયા છે. તો વળી ટેન્કરથી પાણી વિતરણની માગ વધી છે. સ્થાનિકોનો આક્ષેપ છે કે, પ્રેશરથી પાણી નથી આવતું એટલું જ નહીં ટેન્કર પણ સમયસર નથી મળી રહ્યા.

ભાવનગર શહેરના મોટાભાગના જળાશયોના તળિયા દેખાઈ રહ્યા છે તો જિલ્લાના 13 ડેમમાંથી માત્ર 3 ડેમમાં 60થી 70 ટકા જેટલું પાણી છે જ્યારે અન્ય ડેમમાંઆ માત્ર 20 થી 35 ટકાજ પાણી રહ્યું છે. ભાવનગર જિલ્લામાં આ વર્ષે સિંચાઇ અને પીવાના પાણીની સમસ્યા ઊભી થવાના એંધાણ વર્તાઇ રહ્યા છે. ભાવનગર શહેરમાંઆ શેત્રુંજી, બોર તળાવ અને મહી પરીએજ યોજનામાંથી પાણી આપવામાં આવે છે.

વધુ વાંચો: રોકડ કે કિંમતી વસ્તુઓની ફરિયાદ વિના બારોબાર થાય જપ્તી તો શું કરવું? નોંધી લો ચૂંટણી પંચે જાહેર કરેલો નંબર

ભાવનગર શહેરમાં દૈનિક 175 MLD પાણીની જરૂરિયાત છે જેની સામે હાલ 170 MLD પાણી આવી રહ્યું છે. જોકે શહેરમાંઆ પાણીની ઘટ ઊભી થતાં મહી પરીએજ યોજનામાંથી 7થી 10 MLD વધારાનું પાણી લેવામાં આવશે તેવો દાવો અધિકારીઓ કરી રહ્યા છે. આ તરફ BMC અધિકારીઓ ના દાવામાં કેટલું સત્ય એ તો આવનારા દિવસોમાંઆ જ જાણવા મળશે.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો

સંકળાયેલા મુદ્દાઓ

BMC જળાશયો પાણીનું સંકટ ભાવનગર Bhavnagar Water Problem