- જમ્મુ કાશ્મીરના શોપિયામાં આતંકીઓ અને સુરક્ષા દળો વચ્ચે અથડામણ
- અથડામણમાં 2 આતંકીઓ માર્યા ગયા
- અથડામણ સ્થળે જઈ રહેલા જવાનોને અકસ્માત નડ્યો, 2 શહીદ
જમ્મુ કાશ્મીરના શોપિયામાં સુરક્ષા દળો અને આતંકીઓ વચ્ચે જોરદાર અથડામણ થઈ હતી જેમાં 2 આતંકીઓ માર્યા ગયા હતા. આ દરમિયાન બીજી પણ એક દુર્ઘટના બની હતી. આર્મી અધિકારીઓએ કહ્યું કે 44 આરઆર ચૌગામ કેમ્પથી સૈનિકોને લઈને એક સૂમો બુડિગામ અથડામણ સ્થળ તરફ જઈ રહી હતી ત્યારે અચાનક ચાલકે વાહન પરથી કાબૂ ગુમાવ્યો હતો અને તે લપસી ગયું હતું. આ દુર્ઘટનામાં કુલ ચાર જવાન ઘાયલ થયા હતા જેમને શોપિયાની જિલ્લા હોસ્પિટલ લઈ જવાયા હતા જ્યાં બે જવાનોના મોત થયા હતા. તેમણે કહ્યું કે બાકીના બે જવાનોને શ્રીનગરની 92 બેસ આર્મી હોસ્પિટલમાં દાખલ કરવામાં આવ્યાં છે.
શોપિયા એકાઉન્ટરમાં 2 આતંકી ઠાર
સુરક્ષા દળોએ બે આતંકીઓને ઠાર કર્યાં હતા, શોપિયમાં આતંકીઓ અને સુરક્ષા દળો વચ્ચે જોરદાર અથડામણ થઈ હતી જેમાં બે આતંકીઓ માર્યા ગયા હતા. મળતી માહિતી મુજબ શોપિયાંના બડગામના જૈનપુરા વિસ્તારમાં કેટલાક આતંકીઓ છુપાયા હોવાની માહિતી મળી હતી. આ માહિતી બાદ સુરક્ષાદળોએ ઘેરાબંધી કરી સર્ચ ઓપરેશન શરૂ કર્યું હતું.
સ્થાનિક નાગરિકની હત્યા
આતંકીઓએ બડગામ જિલ્લાના ગોટપોરા ખાતે તાજમુલ મોહિઉદ્દીન નામના વ્યક્તિની ગોળી મારીને હત્યા કરી હતી. મોહિઉદ્દીન પર તેના ઘર પાસે જ હુમલો કરવામાં આવ્યો હતો. ગોળી વાગતા તેને હોસ્પિટલ લઈ જવામાં આવી રહ્યો હતો, પરંતુ રસ્તામાં જ તેનું મોત નિપજ્યું હતું. આ પહેલા રવિવારે સુથારી કામ કરતા એક પ્રવાસી મજૂરની આતંકીઓએ ગોળી મારીને હત્યા કરી દીધી હતી. આ ઘટના પુલવામા જિલ્લામાં પણ બની હતી.
