તમારા કામનું / આ સાત સિક્રેટ કોડ થકી કેમેરાથી માંડી બેટરી સુધીની તમારા મોબાઈલની જાણો સંપૂર્ણ કુંડળી : અજમાવી જુઓ!

• મોબાઇલના આ 7 સિક્રેટ થકી જાણો મોબાઇલની કુંડળી
• આ નંબર ડાયલ કરતા પહેલા જરૂરી ડેટા સાચવી લેજો
• એન્ડ્રોઇડ ફોનમાં 2 પ્રકારના સિક્રેટ કોડ છે

થોડા વર્ષો અગાઉ જ્યારે આપણે મોબાઈલનું બેલેન્સ ચેક કરતા હતા ત્યારે *અને # નો ઉપયોગ કરતા હતા. પરંતુ હવે એ જમાનો ગયો છે અને બેલેન્સ ચેક કરવાના દિવસો જતા રહ્યા છે. પરંતુ આજે પણ આવા ઘણા સિક્રેટ કોડ છે જેના થકી મોબાઈલમાં ફોનમાં છુપાયેલ સિક્રેટ માહિતી તાત્કાલિક જાણી શકાય છે. આ સિક્રેટ કોડ સ્માર્ટફોન સંબંધી માહિતી આપી શકે છે. એન્ડ્રોઇડ ફોનમાં 2 પ્રકારના સિક્રેટ કોડ છે. જેમાં અનસ્ટ્રક્ચર્ડ સપ્લિમેન્ટરી સર્વિસ ડેટા (યુએસએસડી) અને મેઈન મશીન ઈન્ટરફેસ (એમએમઆઈ). USSD એ કેરિયર ચોક્કસ કોડ છે જે તમને નેટવર્ક કેરિયર વિશે માહિતી આપે છે.  USSD સિમ કાર્ડ બેલેન્સ અને સેવાઓ વિશે માહિતી આપે છે અને MMI સ્માર્ટફોનના સોફ્ટવેર અને હાર્ડવેર અંગેની માહિતી આપે છે.

*#21#
*#21# નંબરના સિક્રેટ કોડ્સ ડાયલ કરતાની સાથે જ તમારા મોબાઈલમાં કોલ, ડેટા કે નંબર અન્ય કોઈ નંબર પર ફોરવર્ડ કરવામાં આવ્યો છે કે નહીં. તે અંગેની સંપૂર્ણ માહિતી મળી શકે છે.

#0#
#0# આ કોડ ડાયલ કરતાની સાથે તમારા ફોનનું ડિસ્પ્લે, સ્પીકર, કેમેરા, સેન્સર યોગ્ય રીતે કામ કરી રહ્યું છે કે નહીં. તે માહિતી મળી શકે છે.

*#07#
*#07# ની મદદ થી તમે ફોનમાંથી નીકળતા રેડિયેશન વિશે જાણકારી મેળવી શકો છો. જેનું સાર મૂલ્ય 1.6 કરતા ઓછું હોવું જોઈએ. *#07# કોડ તમારા ફોનની SAR કિંમત જણાવે છે. 

*#06#
 વધુમાં *#06# આ કોડની મદદથી ફોનનો યુનિક IMEI નંબર મળે છે અને ક્યારે ફોન ખોવાઈ જાય ત્યારે આ IMEI નંબર ઉપયોગી સાબિત થાય છે.

##4636##
##4636## આ સિક્રેટ કોડથી તમે તમારા સ્માર્ટફોનની બેટરી, ઈન્ટરનેટ, વાઈફાઈની માહિતી મળી શકે છે.

##34971539##
તમે ##34971539## કોડ ડાયલ કરો તો તમારા ફોનના કેમેરાની માહિતી જાણી શકો છો. જેમાં કેમેરા યોગ્ય રીતે કામ કરી રહ્યો છે કે નહીં. તે જાણી શકાય છે.

2767*3855#
2767*3855# ડાયલ કરતાની સાથે જ સ્માર્ટફોન રિસેટ થઈ જશે. પરિણામે તમારા મોબાઈલમા સેવ કરેલા ડેટા દૂર થઇ જશે. વધુમાં આ કરતા પહેલા જરૂરી ડેટા સેફ કરવા જોઈએ.