બહુ કરી / 'બ્લૂ ટીક માટે પૈસા લઈ લીધા હવે કહો છો ફ્રી માં..' અમિતાભ બચ્ચને મસ્ક પર લગાવ્યો છેતરપિંડીનો આરોપ!

• એલન મસ્કે અમિતાભ બચ્ચન સાથે છેતરપિંડી કરી
• અમિતાભ બચ્ચન ટ્વિટર પર ખૂબ જ એક્ટિવ રહે છે
• બિગ બીએ અલગ સ્ટાઈલમાં એલન મસ્કને એક વાત કહી

ટ્વિટરના સીઈઓ એલન મસ્કે અમિતાભ બચ્ચન સાથે છેતરપિંડી કરી છે. વાત એમ છે કે ટ્વિટરે બ્લુ ટિકર્સથી પૈસા એકત્રિત કરવાનું શરૂ કરી દીધું છે પરંતુ હવે એવું કહેવામાં આવે છે કે 10 લાખ  અથવા તેનાથી વધુ લોકોની બ્લુ ટિક ટ્વિટર દ્વારા જ રિસ્ટોર કરવામાં આવી છે અને તેમને પૈસા ચૂકવવાની જરૂર નથી. એવામાં અમિતાભ બચ્ચનને હવે છેતરાયાનો અહેસાસ થયો છે કારણ કે અમિતાભ બચ્ચને ટ્વિટર પર એમનું બ્લુ ટિક પાછી મેળવવા માટે પૈસા ચૂકવ્યા છે પણ એમના ફોલોઅર્સની સંખ્યા 1 મિલિયનથી વધુ છે. 

એવામાં બિગ બીએ અલગ સ્ટાઈલમાં એલન મસ્કને એક વાત કહી છે.. ચાલો જાણીએ

અમિતાભ બચ્ચને કહી આ વાત 
નોંધનીય છે કે બોલિવૂડના શહેનશાહ અમિતાભ બચ્ચન ટ્વિટર પર ખૂબ જ એક્ટિવ રહે છે અને તેમની ટ્વિટને કારણે હેડલાઈન્સ પણ ભેગી કરે છે. એવામાં આ દિવસોમાં બ્લુ ટિકને લઈને ચાલી રહેલા હંગામા પર અમિતાભે અનેક ફની ટ્વિટ કર્યા છે પણ આ વખતે બિગ બીએ એલન મસ્ક પર છેતરપિંડીનો આરોપ લગાવ્યો છે. અમિતાભ બચ્ચને પોતાના ટ્વિટમાં લખ્યું, 'એ મારે ગએ ગુલફામ, બિરજ મે મારે ગએ ગુલફામ. એ ! ટ્વિટર માસી, ચાચી, બહેન, તાઈ, બુઆ.. પૈસા ભરવા લિયો હમાર, નીલ કમલ ખાતિર, અબ કહત હો જાકર 1 મિલિયન ફોલોઅર્સ ઉનકાર નીલ કમલ ફ્રી મા. હમરે પાસ 48.4 મિલિયન હૈ, અબ?? ખેલ ખતમ, પૈસા હજમ!'

T 4627 - अरे मारे गये गुलफाम , बिरज में मारे गये गुलफाम 🎶

ए ! Twitter मौसी, चाची, बहनी, ताई, बुआ .. झौआ भर के त नाम हैं तुम्हार ! पैसे भरवा लियो हमार, नील कमल ख़ातिर ✔️ अब कहत हो जेकर 1 m follower उनकर नील कमल free म
हमार तो 48.4 m हैं , अब ??
खेल खतम, पैसा हजम ?!😳

— Amitabh Bachchan (@SrBachchan) April 23, 2023

બોલીવુડના મેગાસ્ટાર કહેવાતા અમિતાભ બચ્ચનના વર્કફ્રન્ટની વાત કરીએ તો અમિતાભ બચ્ચન છેલ્લે ફિલ્મ 'ઊંચાઈ'માં જોવા મળ્યા હતા. ફિલ્મની વાર્તા ત્રણ મિત્રોની વાર્તા પર આધારિત હતી, જેમાં અમિતાભ બચ્ચન સાથે અનુપમ ખેર, બોમન ઈરાની અને ડેની ડેન્ઝોંગપા જોવા મળ્યા હતા. અમિતાભ બચ્ચન પાસે આવનારા સમયમાં ઘણા પ્રોજેક્ટ છે જેમાં પ્રભાસ અને દીપિકા પાદુકોણની ફિલ્મ 'પ્રોજેક્ટ કે'નું નામ સામેલ છે. આ સિવાય અમિતાભ બચ્ચનના હિટ ટીવી રિયાલિટી ક્વિઝ શો 'કૌન બનેગા કરોડપતિ'ની સીઝન 15ની પણ જાહેરાત કરવામાં આવી છે.