વાયરલ / VIDEO : આવું નહીં બરાબર ટ્રાંસ્લેશન કરો ભાઈ, જુઓ અમિત શાહે મંચ પર કેમ આવું કહ્યું?

• તમિલનાડુમાં અમિત શાહે યોજી રેલી
• ટ્રાન્સલેટરને હસતા-હસતા કહ્યું- યોગ્ય રીતે કરો ટ્રાન્સલેટ
• વીડિયો સોશિયલ મીડિયામાં થયો વાયરલ

ઉલ્લેખનીય છે કે, દેશમાં ચૂંટણીને લઈને રાજકીય માહોલ ગરમાયો છે તો બીજી તરફ બીજી તરફ અમિત શાહે DMK અને કોંગ્રેસ પર આકરા પ્રહાર કર્યા હતા. તેમણે 2જી, 3જી અને 4જી દ્વારા મારન પરિવાર, કરૂણાનિધી પરિવાર અને ગાંધી પર કટાક્ષ કર્યો હતો. જો કે, આ દરમિયાન કેન્દ્રીય મંત્રીએ ટ્રાન્સલેટરની ભૂલ કાઢી હતી જેનો એક વીડિયો સોશિયલ મીડિયામાં વાયરલ થઇ રહ્યો છે. 

અમિત શાહે ચૂંટણી રેલીમાં વિપક્ષ પર કર્યો કટાક્ષ 

કેન્દ્રીય મંત્રી અમિત શાહનો આ વીડિયો ભાજપના કાર્યકર્તા નીલકાંત બક્ષીએ પોતાના ટ્વીટર હેન્ડલ પર શેર કર્યો હતો. જેમાં શાહ સભાને સંબોધન કરતા કહી રહ્યા છે કે, જોવામાં આવે તે 2જી,3જી અને 4જી તમામ તમિલનાડુની અંદર છે. જેમ 2જી એટલે મારન પરિવારની 2 પેઢી, 3જી એટલે કરૂણાનિધી પરિવારજની 3 પેઢી અને 4જી એટલે ગાંધી પરિવારની 4 પેઢી, તમામ અહીં તમિલનાડુમાં મળે છે. 

Thats why @AmitShah Ji is Motabhai 👍 pic.twitter.com/6olgUhaoI3

— Neelkant Bakshi (@neelkantbakshi) March 4, 2021

ટ્રાન્સલેટરને અમિત શાહની ટકોર 

ત્યારબાદ ટ્રાન્સલેટર પ્રજાને અમિત શાહની વાત સમજાવવામાં લાગે છે. જો કે, અમિત શાહે ટ્રાન્સલેટરની વાત યોગ્ય નહીં લાગતા તેઓ કહે છે કે, તમે યોગ્ય રીતે ટ્રાન્સલેશન કરો ભાઇ, યોગ્ય રીતે ટ્રાન્સલેશન નથી કરતા રાજા જી...આ વીડિયો નીલકાંત બક્ષીએ શેર કર્યો છે અને કેપ્શન લખી છે કે, આ કારણે અમિત શાહ મોટાભાઇ છે. 

સોશિયલ મીડિયા વાયરલ થયો વીડિયો 

આપને જણાવી દઇએ કે, અમિત શાહનો આ વીડિયો સોશિયલ મીડિયામાં ખૂબ વાયરલ થઇ રહ્યો છે અને લોકો કોમેન્ટ પણ કરી રહ્યા છે.સરીતા લાલ નામની યુઝરે લખ્યું કે, મોટાભાઇ, તમિલ તો શીખવી પડશે, તમિલિયન્સનું દિલ જીતવા માટે, શીખી લો રાહુલની પહેલા, ફાયદો જ ફાયદો...