લોકસભા ચૂંટણી 2024 / 'કોંગ્રેસ અને આપ પાર્ટીના લોકો જુઠ્ઠાણાં ચલાવે છે' અમિત શાહે વિપક્ષને આડે હાથ લીધું

ગુજરાતમાં મતદાનને ગણતરીના દિવસો બાકી રહ્યા છે. ત્યારે પ્રચારની ધૂરા કેન્દ્રીય ગૃહમંત્રી અમિત શાહે સંભાળી છે. ભરૂચ બેઠક પર ભાજપના ઉમેદવાર મનસુખ વસાવાના સમર્થનમાં અમિત શાહે જાહેરસભા યોજી I.N.D.I.A. ગઠબંધન પર આકરા પ્રહાર કર્યા હતા.

કેન્દ્રીય ગૃહમંત્રી અમિત શાહનો ઝંઝાવાતી પ્રચાર

મનસુખ વસાવા માટે કોઈ સભા કરવાની જરૂર નહી હોવાનુ જણાવી મનસુખ વસાવાનુ ભૂત દરેક ગામમાં ફરતુ હોવાનુ કહેતા સભામાં રમૂજ ફેલાઈ હતી. ભરૂચ બેઠક પર અર્બન નક્સલ આવશે તો આદિવાસી વિસ્તારને તહેસ નહેસ કરી નાખશે તેવો આક્ષેપ કરી મનસુખ વસાવાને મત આપવાનુ કહેવા માટે ભરૂચ આવ્યો હોવાનુ અમિત શાહે જણાવ્યુ હતુ.

અમિત શાહના વિપક્ષ પર પ્રહાર

નરેન્દ્ર મોદીએ આદિવાસીઓ માટે ઘણાં કામ કર્યા હોવાથી આદિવાસીઓને સમજી જવા ઈશારો કર્યો હતો. દ્રોપદી મૂર્મુને રાષ્ટ્રપતિ બનાવી આદિવાસીઓનું ગૌરવ વધારવાનુ કામ ભાજપે કર્યુ હોવાનો દાવો કર્યો હતો. અમિત શાહે વિપક્ષ પર પ્રહાર કરતા કહ્યું કે, કેટલાક લોકોએ ગામડાઓમાં જઈને કોમન સિવિલ કોડ મુદ્દે જુઠ્ઠાણું ફેલાવોનું કામ કર્યું છે. વધુમાં કહ્યું કે, ચૈતર વસાવા એન્ડ કંપની જુઠ્ઠાણું ફેલાવાનું કામ કરી રહ્યું છે.

વાંચવા જેવું: આ છે MS ધોનીના સાસુ શીલા સિંહ, જેઓ પહેલા હતા હોમ મેકર, હવે ચલાવે છે કરોડોની કંપની

'...આમોદમાં ડ્રગ બલ્ક પાર્ક આવ્યું છે'

તેમણે કહ્યું કે, મનસુખ વસાવા કામો કર્યા છે પણ કોઈને કહેતા જ નથી ચૂપચાપ કામ કર્યા કરે છે. મનસુખ વસાવાના કારણે આમોદમાં ડ્રગ બલ્ક પાર્ક આવ્યું છે. ભગવાન રામની પ્રાણ પ્રતિષ્ઠામાં કોંગ્રેસના નેતાઓ આવ્યા નહી કેમ કે, તેમની લઘુમતીની વોટ બેંક તૂટી જાય. ભરૂચ વાળા ભૂલ ન કરતા ખંડણીનું કામ અત્યારે બંધ છે જો આપ પાર્ટી આવશે તો ફરીથી ચાલુ થશે.