ખુલાસો / પંચમહાલમાં NEETની પરીક્ષામાં ચોરીનું કાવતરું, શિક્ષકે 10 લાખના ખંખેર્યા, એક બાતમીથી ખેલ ઉઘાડો

NEET ની પરીક્ષામાં ચોરી કરાવવાનાં કૌભાંડનો પર્દાફ્રાશ થવા પામ્યો છે. જેમાં પંચમહાલની જય જલારામ સ્કૂલનાં શિક્ષકનાં કારસ્તાનનો પર્દાફ્રાશ થયો હતો. શિક્ષકે ચોરી કરાવવા મામલે વિદ્યાર્થીઓ પાસેથી 10 લાખ રૂપિયા ખંખેર્યા હોવાનું સામે આવ્યું હતું. શિક્ષક તુષાર ભટ્ટે 6 વિદ્યાર્થીઓ પાસેથી રૂપિયા લીધી હોવાનો ખુલાસો થયો હતો. પેપર કોરૂ રાખવાની વિદ્યાર્થીઓને સૂચના અપાઈ હતી. તપાસ કરાતા ડેપ્યુટી સુપ્રિટેન્ડન્ટની કારમાંથી 7 લાખ રૂપિયા મળ્યા હતા. ડેપ્યુટી સુપ્રિટેન્ડન્ટનાં વોટ્સએપ ચેટ સામે આવતા સમગ્ર ઘટનાનો ખુલાસો થયો હતો. શિક્ષક તુષાર ભટ્ટ સહિતનાં લોકો સામે ડીઈઓએ પોલીસ ફરિયાદ નોંધાવી હતી.

પર્દાફાશ કેવી રીતે થયો?

કલેક્ટરને અંગત બાતમી મળી હતી. ગોધરાનાં પરવડી ચોક પાસે આવેલી જલારામ સ્કૂલમાં કલેક્ટરની આગેવાનીમાં ટીમ પહોંચી હતી. કલેક્ટર તુષા ભટ્ટ પરીક્ષામાં ચોરી કરાવનાર છે તેવી બાતમી મળી હતી. બાતમીનાં આધારે કલેક્ટરની ટીમે શકમંદની પૂછપરછ કરી હતી. પૂછપરછમાં તુષાર ભટ્ટનાં બે માંથી એક મોબાઈલમાં શંકાસ્પદ ચેટ મળી આવી હતી. તુષાર ભટ્ટની વોટ્સએપ ચેટમાં પરશુરામ રોય સાથેની ચેટ મળી આવી હતી. સ્ક્રીનમાં ત્રણ ફોટા મોકલવામાં આવ્યા હતા. 4 મે નાં રોજ પરશુરામ અને તુષાર ભટ્ટ વચ્ચેની ચેટ થઈ હતી. ચેટમાં 3 ફોટા, 16 નામ અને તેની સામે રોલ નંબર તથા પરીક્ષા કેન્દ્ર લખેલા હતા. છેલ્લે 15 નામ નક્કી થયા હતા જેના પેપર સોલ્વ કરાવવાના હતા. વિદ્યાર્થી દીઠ 10 લાખની રકમ નક્કી થઈ છે તેવું ચેટ ઉપરથી જાણવા મળ્યું છે. વિદ્યાર્થીઓએ આવડતા પ્રશ્નો જ લખવાના હતા. બાકીના જવાબ ઉત્તરવહીમાં જે તે સ્થિતિમાં મુકી દેવાના હતા. પરીક્ષા પૂર્ણ થયા બાદ સુપરવાઈઝર લેબમાં આવે છે. OMR શીટ જમા લઈ નક્કી કરેલા વિદ્યાર્થીઓના જવાબ લખી આપે એવું નક્કી થયું છે. 6 પરીક્ષાર્થીઓના નામની લીસ્ટ આરોપી આરીફને મોકલી આપ્યું હતું. આરીફે તુષાર ભટ્ટને 7 લાખ રૂપિયા આપ્યા હતા. પરશુરામ રોય પાસેથી તુષાર ભટ્ટે 10 લાખ રૂપિયા લેવાના નક્કી કર્યા હતા. ડ્રાઈવરની સીટ નીચેથી બે પ્લાસ્ટીકની બેગ મળી હતી.

માલેતુજારના સંતાનો પોતાના બાળકોને ગોઠવવા કામ કરે છેઃ ડો.મનીષ દોશી

પંચમહાલમાં નીટ પરીક્ષા કૌભાંડ મામલે કોંગ્રેસનાં મુખ્ય પ્રવક્તા ર્ડા. મનીષ દોશીએ પ્રતિક્રિયા આપતા જણાવ્યું હતું કે, માલેતુજારનાં સંતાનો પોતાનાં બાળકોને ગોઠવવા કામ કરે છે. પેટે પાટા બાંધી માતા-પિતા બાળકોને ભણાવતા હોય છે. કેટલાક માલેતુજાર લોકોનાં લીધે અને સ્કૂલોનાં લીધે આવી ઘટનાઓ બને છે.

વધુ વાંચોઃ ગુજરાતના આ વિસ્તારમાં લોકોને ફરી મળશે મત આપવાની તક, 11 મેએ ફરી થશે મતદાન

NEETના સત્તાધીશો દ્વારા CCTVથી સજ્જ કરાયું હતુ બિલ્ડીંગ- ટ્રસ્ટી

નીટ કૌભાંડ મામલે જય જલારામ સ્કૂલનાં ટ્રસ્ટ્રીએ નિવેદન આપ્યું હતું કે પરીક્ષા દરમ્યાન શાળાનું બિલ્ડીંગ શિક્ષણ વિભાગનાં કબજામાં હોય છે. નીટનાં સત્તાધીશો દ્વારા બિલ્ડીંગને સીસીટીવીથી સજ્જ કરાયું હતું. સ્કૂલમાં ગેરરીતી આચરી શકાય તેવી શક્યતા જ નથી. શિક્ષક તુષાર ભટ્ટે શાળા બહાર ગેરરીતિ કરી હોઈ શકે છે. સમગ્ર મામલો સામે આવતા તુષાર ભટ્ટને સસ્પેન્ડ કરાયા છે.