એકશન / 21 નવા માઇક્રો કન્ટેઇન્મેન્ટના વધારા સાથે AMCનો સોસાયટી-કોમ્પલેક્સને લઇને મોટો નિર્ણય

• AMC હવે ડોર-ટુ-ડોર સર્વે હાથ ધરશે 
• ગુરુવારથી કામગીરી શરુ કરવામાં આવશે 
• શહેરમાં 23 નવા માઇક્રો કન્ટેન્મેન્ટ ઝોન 
• અમદાવાદ શહેરમાં 1637 નવા કોરોનાના કેસ, 34 ઓમિક્રોનના કેસ

અમદાવાદમાં વધતા કોરોનાના કેસને લઇને  મહાનગર પાલિકાનું વહીવટી તંત્ર એકશનમાં આવ્યું છે. મહાનગર પાલિકાએ ફરી કોવિડ કો-ઓર્ડીનેટરને કામગીરી સોંપી છે. અમદાવાદની તમામ સોસાયટી ,ફ્લેટ,કોમ્પલેક્ષના ચેરમેનને  સૂચના આપવામાં આવી છે .જેમાં નિમાયેલા કોઓર્ડીનેટરે ગાઇડલાઇનનું કરાવવું  પાલન કરાવવું પડશે.આ ઉપરાંત, વેક્સિનેશન સર્ટિ તપાસવા, ચેકિંગમાં સહકાર આપવા કામગીરી કરવી પડશે તેવું પણ ઠરાવાયું છે. તો શહેરમાં નવા માઇક્રો કન્ટેન્મેન્ટમાં પણ વધારો થયો છે. ત્યારે જાણી લો કયા વિસ્તારને માઇક્રો કન્ટેન્મેન્ટ ઝોનમાં મૂકાયો છે.

આ સાથે જ અમદાવાદમાં નવા 23 જેટલા માઇક્રો કન્ટેન્ટમેંટઝોન જાહેર કરાતા કુલ 108 જેટલા કન્ટેન્ટમેંટઝોન થયા છે. ગુરુવારથી હાઉસ-ટૂ-હાઉસ સર્વે ની કામગીરી હાથ ધરવામાં આવશે. 

 

AMTS અને BRTS હવે 50 ટકા ક્ષમતા સાથે ચાલશે

અમદાવાદમાં કોરોનાના કેસ વધતા પ્રતિબંધો લાગૂ કરવામાં આવ્યા છે. AMTS અને BRTS હવે 50 ટકા ક્ષમતા સાથે ચાલશે તેવો નિર્ણય આજે મળેલી બેઠકમાં કરવામાં આવ્યો છે. ગઈકાલે અમદાવાદ જિલ્લામાં 1314 કોરોનાના કેસ નોંધાયા હતા જેમાંથી શહેરમાં 1290 કેસ એકી સાથે સામે આવતા તંત્ર હવે સાબદું થઈ ગયું છે. આગામી દિવસોમાં વધારે પ્રતિબંધો લગાવવા AMC તૈયારી કરી રહ્યું છે.

તા.06/01/22થી #Covid19 સંક્રમણને નિયંત્રિત કરવાના આશય સાથે AMTS/BRTSની તમામ બસ 50% પેસેન્જર કેપેસિટી સાથે સંચાલનમાં રહેશે.
✔️બસમાં માસ્ક ફરજિયાત
✔️ 18 વર્ષથી ઉપરના માટે વેક્સિન સર્ટિ. ફરજિયાત રહેશે.
સહકાર આપવા શહેરીજનોને નમ્ર અપીલ. pic.twitter.com/DrczuDcM2c

— Amdavad Municipal Corporation (@AmdavadAMC) January 5, 2022

ગુજરાત કોરોના અપડેટઃ અમદાવાદમાં સૌથી વધુ કેસ

ગુજરાતમાં કોરોના સંક્રમણ દિવસેને દિવસે વધી રહ્યું છે. છેલ્લા 24 કલાકમાં 3350 કેસ સામે આવતા ત્રીજી લહેરના સુનામી મોજા શરૂ થઈ ચૂક્યા છે આજે સૌથી વધુ અમદાવાદમાં 1660 કેસ સામે આવ્યા છે જ્યારે સુરતમાં 690 કેસ તો વડોદરામાં 181, કેસ અને રાજકોટમાં 159 કેસ સામે આવ્યા છે. રાજ્યમાં આજે કોરોનાથી 1 દર્દીનુ મૃત્યુ નીપજ્યું છે જ્યારે વેન્ટિલેટર પર 32 દર્દીઓ સારવાર લઈ રહ્યા છે તો 236 દર્દીઓ સાજા થઈ ઘરે પરત ફરતા હવે રાજ્યમાં 10,994 કોરોના એક્ટિવ કેસ થઈ ગયા છે. આજે કુલ 5.26 લાખ લોકોમાંથી 2.80 લાખ બાળકોને વેક્સિન અપાઈ છે. કુલ 9.18 કરોડ વેક્સિન ડોઝ અત્યાર સુધી આપી દેવામાં આવ્યા છે. તો રાજ્યમાં નવા 50 કેસ ઓમિક્રૉન પોઝિટિવ આવ્યા છે, જેમાંથી 34 તો માત્ર અમદાવાદમાં નોંધાયા છે.