વિરોધ પ્રદર્શન / 'અમારી 11 રજા મંજૂર કરો', BLOની કામગીરીમાં મળવાપાત્ર રજાઓ બાબતે જેતપુર તાલુકા શિક્ષણાધિકારીની વિસંગતતા હોવાનો આક્ષેપ

• જેતપુર તાલુકા પંચાયત કચેરી ખાતે તાલુકા પ્રાથમિક શિક્ષક સંઘ દ્વારા ધરણા
• BLOની પ્રાપ્ત રજા બાબતે છેલ્લા ઘણા સમયથી અન્યાય થતો હોવાનો આક્ષેપ 
• જેતપુર તાલુકા પંચાયતમાં TPO સામે આક્ષેપો કરવામાં આવ્યા
• તાલુકા પ્રાથમિક શિક્ષણાધિકારી અને અન્ય અધિકારીઓ અન્યાય કરતા હોવાનો આક્ષેપ 

Jetpur News : જેતપુરમાં તાલુકા શિક્ષણાધિકારીની દાદાગીરી સામે આવી છે. વાત જાણે એમ છે કે, અહીં BLOની પ્રાપ્ત રજા બાબતે છેલ્લા ઘણા સમયથી અન્યાય થતો હોવાનો આક્ષેપ થયો છે. જેમાં BLOને મળવાપાત્ર રજાઓ બાબતે વિસંગતતા કરાતી હોવાનો આક્ષેપ કરવામાં આવ્યો છે. જેને લઈ હવે જેતપુર તાલુકા પંચાયતમાં TPO સામે આક્ષેપો કરવામાં આવ્યા છે. 

જેતપુરમાં તાલુકા પંચાયત કચેરી ખાતે તાલુકા પ્રાથમિક શિક્ષક સંઘ દ્વારા ધરણા કરવામાં આવ્યા છે. વિગતો મુજબ BLOની પ્રાપ્ત રજા બાબતે છેલ્લા ઘણા સમયથી અન્યાય થતો હોવાનો આક્ષેપ થયો છે. જેમાં BLOને મળતી 11 રજાઓની જગ્યાએ માત્ર 7 જ રજા મળતી હોવાનો ગંભીર આક્ષેપ થયો છે. BLOને મળવાપાત્ર રજાઓ બાબતે વિસંગતતાને લઈ જેતપુર તાલુકા પંચાયતમાં તાલુકા પ્રાથમિક શિક્ષક સંઘ દ્વારા ધરણા કરવામાં આવ્યા છે. 

રજામાં કાપ મૂકી નુકસાન કરતા હોવાથી ન્યાય કરવા માંગ
જેતપુરમાં તાલુકા શિક્ષણાધિકારીની દાદાગીરીને લઈ હવે  પ્રાથમિક શિક્ષક સંઘ મેદાને પડ્યું છે. વિગતો મુજબ BLOને મળવાપાત્ર રજાઓ બાબતે વિસંગતતાને લઈ તાલુકાના BLOને તાલુકા શિક્ષણાધિકારી ગોળ ગોળ જવાબ આપતા હોવાનો આક્ષેપ થયો છે. જેથી હવે BLOની પ્રાપ્ત રજા બાબતે છેલ્લા ઘણા સમયથી અન્યાય થતો હોવાના આક્ષેપ બાદ હવે રજામાં કાપ મૂકી નુકસાન કરતા હોવાથી ન્યાય કરવા માંગ કરાઇ છે.