ઘટના / રેકોર્ડીંગ ચાલુ કર્યું તો કપાળ પર પગ રાખીને માર્યો: સુરત પોલીસ પર ગંભીર આરોપ, ગૃહરાજ્યમંત્રીને કરાઇ ફરિયાદ

• સુરતમાં ઉમરા પોલીસ પર માર મારવાનો આક્ષેપ
• માથા પર પગ મુકીને માર મારવાનો આક્ષેપ
• આક્ષેપ સાથે યુવકે ગૃહમંત્રીને કરી ફરિયાદ

રાજ્યમાં ફરી એકવાર પોલીસ પર આક્ષેપ થયાનો મામલો સામે આવ્યો છે, સુરતના ઉમરા પોલીસ પર માર મારવાનો આક્ષેપ થયો છે, અડાજણના રાજેશ મહિડા નામના યુવકે પોલીસ પર ગંભીર આક્ષેપ કર્યો છે કે, તેના માથા પર પગ મુકીને માર માર્યો છે. 

PSI વિરુદ્ધ ગૃહમંત્રીને ફરિયાદ કરી
યુવક અને તેના ભાઈ અડાજણથી કામ અર્થે બહાર નીકળ્યા હતા ત્યારે સુરત કોર્ટ નજીક પોલીસે યુવકને અટકાવ્યો હતો અને યુવકને અટકાવી પોલીસે તેની સાથે ગેરવર્તન કર્યું હતું. યુવકે ગરેવર્તનનું રેકોર્ડિંગ કરતા પોલીસે માર માર્યો હોવાનો આક્ષેપ કર્યો છે. આક્ષેપ સાથે યુવકે ઉમરા પોલીસના D-સ્ટાફના કર્મીઓ અને PSI વિરુદ્ધ ગૃહમંત્રીને ફરિયાદ કરી છે.  

યુવકનો આક્ષેપ
યુવકે જણાવ્યું કે, એક નાગરિક સાથે પોલીસ ગેરવર્તન કરી રહી હતી ત્યારે મારા ભાઈએ વીડિયો બનાવવાની હિંમત કરી હતી અને રેકોડિંગ ચાલું કર્યો ત્યારે પોલીસે મોબાઈલ લઈ લીધો હતો અને માર માર્યો હતો. તેણે જણાવ્યું કે, મારા પાસેથી મોબાઈલ પાસર્વર્ડ લેવામાં આવ્યો અને તે વીડિયો ડિલેટ કરવામાં આવ્યો હતો, અને મારા ભાઈને પણ ખૂબ જ માર માર્યો હતો, તેમજ તેને જેલ લઈ જઈ પણ માર માર્યો હતો.