Aja Ekadashi 2023 / આવતીકાલે છે અજા એકાદશી: જો-જો આવી ભૂલ કરતા, નહીં તો ભગવાન વિષ્ણુ થઇ જશે નારાજ

• આવતીકાલે 10 સપ્ટેમ્બરના રોજ ઉજવાશે અજા એકાદશી
• ભગવાન વિષ્ણુની ઉપાસના કરવાથી માતા લક્ષ્મીના પ્રાપ્ત થાય છે આશિર્વાદ 
• અજા એકાદશીના દિવસે ભૂલથી પણ આ વસ્તુ ન કરવી જોઈએ

અજા એકાદશી આ વખતે 10 સપ્ટેમ્બર એટલે કે આવતીકાલે મનાવવામાં આવશે. એકાદશીના દિવસે ભગવાન વિષ્ણુની ઉપાસના કરવામાં આવે છે. દર મહિનામાં બે વખત એકાદશીનું વ્રત કરવામાં આવે છે. એવું કહેવાય છે કે આ દિવસે ભગવાન વિષ્ણુની ઉપાસના કરવાથી માતા લક્ષ્મીના આશિર્વાદ પ્રાપ્ત થાય છે અને ધનના ભંડાર ભરપૂર રહે છે.

આટલી બાબતોનું રાખો ખાસ ધ્યાન

આ વખતની અજા એકાદશી ખુબ જ ખાસ છે, કારણ કે આ દિવસે કેટલાક મહત્વના યોગ બની રહ્યાં છે જેમાં રવિ પુષ્ય યોગ અને સર્વાર્ધ સિદ્ધિ યોગ બનશે. જ્યોતિષિઓના જણાવ્યા પ્રમાણે અજા એકાદશીના દિવસે કેટલીક ભૂલો ન કરવી જોઇએ. જે અંગે વિગતવાર ચર્ચા કરીએ તો અજા એકાદશીએ ભૂલથી પણ ભાત ન ખાવા જોઇએ. ભાત ખાવાથી ભગવાન વિષ્ણુ નારાજ થઇ જાય! તેવું હિન્દુ ધર્મની માન્યતા જોડાયેલી છે.

એકાદશીના દિવસે વાદ-વિવાદથી દૂર રહેવું જોઇએ
અજા એકાદશી પર લસણ, ડુંગળી ઉપરાંત તામસિક ભોજનનું સેવન પણ ન કરવું જોઈએ. એવું કરવાથી ભગવાન વિષ્ણુના આશિર્વાદ પ્રાપ્ત થશે નહીં! એક માન્યતા પ્રમાણે એકાદશીના દિવસે તુલસીના પાન તોડવા પણ અશુભ માનવામાં આવે છે. એવું કહેવાય છે કે તુલશી ભગવાન વિષ્ણુને ખુબ જ પ્રિય છે. અજા એકાદશીના દિવસે કાળા રંગના વસ્ત્રો ન પહેરવા જોઇએ. સાથે જ આ દિવસે વાળ, નખ અને દાઢી ન કરાવવી જોઇએ. સાથે જ અજા એકાદશીના દિવસે વાદ-વિવાદથી દૂર રહેવું જોઇએ. આ ખાસ દિવસે કોઇનું ભૂલીને પણ અપમાન ન કરવું જોઇએ.