- કારમાં ઓછામાં ઓછી 2 એર બેગ્સ હોવી ફરજીયાત
- આ ભૂલ કરશો તો એરબેગ પણ નહીં બચાવી શકે તમારો જીવ
- બુલ બારના કારણે કોઈપણ અકસ્માત કે હિલચાલની માહિતી એરબેગ સેન્સર સુધી પહોંચી શકતી નથી
Car Tips: આજકાલ કાર મેન્યુફ્રેક્ચરર પોતાની કારમાં પેસેન્જર અને ડ્રાઇવરની સુરક્ષાને ધ્યાનમાં રાખીને તમામ સંભવિત સુવિધાઓ પ્રોવાઇડ કરે છે. એટલે કે, લગભગ તમામ લેટેસ્ટ કારમાં ઘણી સુરક્ષા સુવિધાઓ ઉપલબ્ધ છે, જે અકસ્માત સમયે તમારો જીવ બચાવે છે. આવી સ્થિતિમાં દરેક કારમાં એરબેગની સુવિધા હોવી જરૂરી બની ગઈ છે.
કાર મેન્યુફ્રેક્ચરર પોતાની કારમાં પોતાના ગ્રાહકોની સુવિધા અને સલામતી માટે તેમની કારમાં 2 અથવા વધુ એરબેગ્સ આપી શકે છે. કારમાં 2થી ઓછી એરબેગ્સ હોય તે કાર અલાઉડ કરવામાં આવતી નથી. હવે, આટલા બધા સેફ્ટી ફીચર્સ હોવા છતાં, તમે કેટલીક એવી ભૂલ કરો છો જેના પછી કારમાં ગમે તેટલી એરબેગ્સ હશે, તે તમારો જીવ બચાવી શકશે નહીં.
આજે આપણે કેટલીક એવી બાબતો જાણીએ, જેમાં તમારે એરબેગ્સ સાથે કાર ચલાવતી વખતે ભૂલો કરવાથી બચવું જોઈએ, જેથી તમે કોઇ અકસ્માતનો શિકાર ન બનો.
કારમાં બુલ બાર લગાવવાથી બચો
ઉલ્લેખનીય છે કે, ભારતમાં કારમાં થોડા મૉડિફિકેશન કરવાથી ચાલણ ભરવાનું થઈ શકે છે. બુલ બાર તે ફેરફારોમાંથી એક છે એટલે કે જો તમે કારમાં બુલ બાર લગાવી દો તો તમારું ચલણ કપાઈ જશે અને સાથે જ તે તમારી સુરક્ષા માટે ખતરો પણ બની શકે છે. બુલ બારના કારણે કોઈપણ અકસ્માત અથવા હિલચાલની માહિતી એરબેગ સેન્સર સુધી પહોંચી શકતી નથી, જેના કારણે એરબેગ સમયસર ખુલતી નથી અને તે તમારું મૃત્યુ પણ કરી શકે છે.
ડેશબોર્ડ પર પગ રાખવાની આદત પડી શકે છે ભારે
ઘણી વખત કેટલાક લોકો પગ લંબાવવા માટે કારના ડેશબોર્ડ પર પગ રાખીને બેસી જાય છે. તમારી આ એક્શન તમને ભારે પડી શકે છે. હકીકતમાં જો અકસ્માત દરમિયાન તમારા પગ ડેશબોર્ડ પર હોય, તો એરબેગ્સ સ્થળ પર જ ખુલી શકશે નહીં. આ સિવાય, જ્યારે એરબેગ્સ ફૂલે છે, ત્યારે તે તમારા પગની ખરાબ સ્થિતિનું કારણ બની શકે છે.
ડેશબોર્ડ પર પગ જ નહીં પણ કોઇ અન્ય સામાન પણ ના રાખો
ડેશબોર્ડ પર પગ જ નહીં પણ કોઇ અન્ય સામાન પણ ના રાખવો કારણ કે જ્યારે એરબેગ ખુલે છે, ત્યારે તે એવા ફોર્સ સાથે ખુલે છે કે ડેશબોર્ડ પરની સામગ્રીને હાઇ-સ્પીડ પ્રોજેક્ટાઇલ્સમાં ટ્રાંસફર કરી શકાય છે. જેના કારણે તમને વધુ ગંભીર ઈજા થઈ શકે છે.
