દેશ / હવામાં અધવચ્ચે તાળવે ચોંટયો મુસાફરોનો જીવ, ઉડતા વિમાનમાં ફાટ્યો મોબાઈલ, ઉદયપુરમાં ઈમરજન્સી લેન્ડિંગ

• ઉદયપુરથી દિલ્હી જતી ફ્લાઈટની ઈમેરજન્સી લેન્ડિંગ
• એર ઈન્ડિયા ફ્લાઈટમાં બની દુર્ઘટના
• એક યાત્રીનાં ફોનની બેટરી ફાટી જવાને લીધે મચ્યો હડકંપ

રાજસ્થાનનાં ઉદયપુરમાં સોમવારે મોટી દુર્ઘટના બનતા બચી છે. એર ઈન્ડિયાની ફ્લાઈટની ઈમેરજન્સી લેન્ડિંગ કરાવવી પડી હતી. શરૂઆતી જાણકારી અનુસાર યાત્રીનાં મોબાઈલ ફોનની બેટરી બ્લાસ્ટ થવાને લીધે ઈમેરજન્સી લેન્ડિંગ કરાવવી પડી હતી. ટેકનીકલ તપાસ બાદ ફ્લાઈટ દિલ્હી માટે રવાના થઈ હતી. ટેકઓફ દરમિયાન જ ફ્લાઈટની અંદર મોબાઈલ ફોનની બેટરી ફાટી જવાને લીધે યાત્રીકોમાં હડકંપ મચ્યો હતો. ઉદયપુરનાં ડબોક એરપોર્ટ પર આ ઈમેરજન્સી લેન્ડિંગ દરમિયાન કેટલાક પેસેન્જર્સને પ્લેનથી નીચે ઊતરી ગયાં હતાં.

ફ્લાઈટમાં 140 યાત્રીઓ હતાં
માહિતી અનુસાર એર ઈન્ડિયાની આ ફ્લાઈટનો નંબર 470 હતો. આ ફ્લાઈટ ઉદયપુરથી દિલ્હી બપોરે 1 વાગે ટેક ઓફ થઈ હતી. ફ્લાઈટમાં ઉડ્ડયન દરમિયાન થોડી જ વારમાં એક યાત્રીકનાં ફોનની બેટરી ફાટી ગઈ. આ ફ્લાઈટમાં કુલ 140 લોકો સવાર હતાં. ફોનની બેટરી ફાટવાનો ધમાકો એટલો મોટો હતો કે ફ્લાઈટમાં બેઠેલા તમામ લોકો ડરી ગયાં હતાં. ફ્લાઈટનાં અંદરનાં ક્રૂ મેંમ્બર્સે સ્થિતિ હાથમાં લીધી અને છેલ્લે ફ્લાઈટની ઈમેરજન્સી લેન્ડિંગ કરાવવામાં આવી.

મોટી દુર્ઘટના ટળી!
પહેલા પણ ઘણી વખત ફ્લાઈટની ઈમેરજન્સી લેન્ડિંગ કરાવવામાં આવી છે. જો કે એવું પહેલીવાર બન્યું છે કે ફ્લાઈટની અંદર બેઠેલા યાત્રીનાં ફોનની બેટરી ફાટવાને લીધે લેન્ડિંગ થયું હોય. બેટરી ફાટવાને લીધે પ્લેનમાં આગ પણ લાગી શકતી હતી. જો કે સદનસીબે મોટી દુર્ઘટના ટળી અને લોકોનો જીવ બચ્યો.