અમદાવાદ / CEPT યુનિ.માં આર્કિટેક્ચરના વિદ્યાર્થીએ બિલ્ડીંગ પરથી માર્યો મોતનો કુદકો, સ્યુસાઇડથી મિસ્ત્રી પરિવાર આઘાતમાં, જાણો કેમ ભર્યું આવું પગલું?

• સેપ્ટ યુનિવર્સીટીના વિદ્યાર્થીએ કર્યું સ્યુસાઇડ
• આર્કિટેક્ચરના વિદ્યાર્થીએ બિલ્ડીંગ પરથી છલાંગ લગાવી કર્યુ સ્યુસાઇડ
• શિવ મિસ્ત્રી નામના વિદ્યાર્થીએ કર્યું સ્યુસાઇડ

વિદ્યાર્થીઓના આપઘાતના વધતા જતા બનાવો વચ્ચે અમદાવાદમાં વધુ એક વિદ્યાર્થીએ બિલ્ડીંગ પરથી છલાંગ લગાવી જીવતરનો અંત આણી લીધો હોવાનું સામે આવતા ચકચાર મચી જવા પામી છે. સેપ્ટ યુનિવર્સીટીના વિદ્યાર્થીએ આપઘાત કરી લીધાનું બહાર આવતા સ્થાનિક પોલીસ કાફલો તાબડતોબ ઘટનાસ્થળે દોડી ગયો હતો અને તપાસનો ધમધમાટે શરૂ કર્યો છે. નોંધનીય છે કે આંબાવાડીમાં વિદ્યાર્થીએ બીલ્ડીંગ પરથી પડતું મૂકી મોત વ્હાલું કરી લીધું હતું.

છેલ્લા ઘણા સમયથી માનસિક તણાવમાં હોવાનું આવ્યું સામે
સેપ્ટ યુનિવર્સીટીમા આર્કિટેક્ચરના વિદ્યાર્થીના આપઘાતનો મામલો બહાર આવ્યો છે. શિવ મિસ્ત્રી નામના વિદ્યાર્થીએ આંબાવાડી ખાતે ધાબા પરથી છલાંગ લગાવી આયખું ટૂંકાવી લેતા પરિવારજનોમાં અરેરાટી મચી ગઇ છે.સ્યુસાઇડથી મિસ્ત્રી પરિવાર આઘાતમાં સરી પડ્યો છે. આ મામલે સ્થાનિક પોલીસને માહિતી આપવામા આવી હતી. જેને લઈને પોલીસ કાફલો બનાવ સ્થળે દોડી આવ્યો હતો. હાલ પોલીસે પંચનામું કરી તપાસ હાથ ધરી છે. પ્રાથમીક તપાસમાં નિવેદનો આધારે બહાર આવ્યું કે શિવ મિસ્ત્રી છેલ્લા ઘણા સમયથી માનસિક તણાવમાં હતો અને ગુમસુદા રહેતો હતો. જે બાદ અકળ કારણોસર કંટાળી જઈ અંતિમ પગલું ભરી લીધું હતું. હાલ આ મામલે પોલીસે નોંધ કરી કાર્યવાહી આગળ ધપાવી છે.