ભાંડફોડ / અમદાવાદ: ના રહી ઈજ્જત,ના રહી નોકરી! ટુકડે ટુકડે નોકરે 60 લાખના દાગીના ચોર્યા, મોડસ ઓપરેન્ડી એવી કે વિશ્વાસ કરવો મુશ્કેલ

• અમદાવાદનાં બોડકદેવમાં જ્વેલર્સનાં મેનેજરે કરી દાગીનાની ઉચાપત
• અલંકાર જ્વેલર્સનાં મેનેજરે કરી રૂા. 60 લાખનાં દાગીનાની ઉચાપત
• બોડકદેવ પોલીસે વિક્રમ રાવલ નામનાં શખ્શ સામે નોંધ્યો ગુનો

પોલીસ કસ્ટડીમાં જોવા મળતા આરોપી વિક્રમ રાવલ છે. જેને જવેલર્સના વેપારીને રૂ 60 લાખનો ચુનો લગાવતા પોલીસે ધરપકડ કરી હતી. ઘટનાની વાત કરીએ સાયન્સ સીટીમાં આવેલા અંલકાર જવેલર્સના માલીક મનોજભાઈ પટેલએ ફરિયાદ નોંધાવી છે કે તેમના જવેલર્સમા મેનેજર તરીકે કામ કરતા વિક્રમભાઈ રાવલે તેમની જાણ બહાર ટુકડે ટુકડે રૂ 60 લાખના દાગીનાની ઉચાપરત કરીને બીજે વેચાણ કરી દીધા. સોનાના દાગીના મીસીંગ થતા વેપારીને શંકા ગઈ હતી.. અને તેમણે સીસીટીવી ચેક કરતા મેનેજર વિક્રમભાઈ રાવલ દાગીનાની ચોરી કરતા કેદ થયા. જેથી વેપારીઓ બોડકદેવ પોલીસ સ્ટેશનમા ફરિયાદ નોંધાવી હતી. 

સીસીટીવી ચેક કરતા સમગ્ર ભાંડો ફૂટ્યો

પકડાયેલ આરોપી વિક્રમ રાવલ છેલ્લા 2 વર્ષથી અલંકાર જવેલર્સમા મેનેજર તરીકે નોકરી કરતો હતો.. આ જવેલર્સ સોનાચાંદીના વેપારીઓ પાસેથી તૈયાર દાગીનાની ખરીદી કરીને વેચાણ કરે છે.. જેથી મહારાષ્ટ્રથી તૈયાર દાગીના આવે ત્યારે દાગીના ખરીદી કરીને કંપનીના ટેગ લગાવીને દાગીનાનુ વેચાણ કરવાના વ્યવહારની માહીતી આરોપી રાખતો હતો. કંપનીએ દાગીનાની કરેલી ખરીદ વેચાણની એન્ટ્રી કોમ્પ્યુટર અને મેન્યુઅલ ચોપડામાં લખતો હતો. એક વર્ષ પહેલા તેને લાલચ આવતા તેણે દાગીનાની ચોરી શરૂ કરી છે. અને હિસાબોના લખાણમાં પણ ચેડા શરૂ કર્યા. આ બાબતની જાણ વેપારીને થતા તેમણે મેનેજર પર વોચ રાખીને સીસીટીવી ફુટેજ ચેક કરતા મેનેજરનો ભાંડો ફુટયો. બોડકદેવ પોલીસે આરોપીની ધરપકડ કરીને વધુ તપાસ શરૂ કરી છે. 

પોલીસે આરોપીની ધરપકડ કરી પૂછપરછ હાથ ધરી
જવેલર્સમા થયેલી 60 લાખની ચોરી અને ઉચાપતને લઈને બોડકદેવ પોલીસે વિક્રમ રાવલ વિરૂધ્ધ ગુનો નોંધ્યો છે. આ સોનાના દાગીના આરોપીએ કયા કયા સોની વેપારીને વેચ્યા છે. તેમની પાસેથી મુદ્દામાલ જપ્ત કરવાની કાર્યવાહી હાથ ધરી છે.