દારૂબંધી ક્યાં? / અમદાવાદ સિવિલ કેમ્પસમાં દારૂની મહેફીલ, ચીકાર નશો કરેલી હાલતમાં 6 કર્મચારીઓ ઝડપાયા

• અમદાવાદ સિવિલ કેમ્પસમાં દારૂની મહેફીલ
• ચાલુ ફરજે કર્મચારીઓ દારૂ પીતા ઝડપાયા
• સેનેટરી ઈન્સ્પેક્ટર સહિત 6ની અટકાયત

અમદાવાદ સિવિલ હોસ્પિટલ વધુ એક વખત ચર્ચાના ચકડોળે ચડી છે.ગુજરાતમાં દારૂબંધીનો કાયદો માત્ર કાગળ પર જ છે તેના અનેક પુરાવાઓ સામે આવતા હોય છે તેવામાં સિવિલ હોસ્પિટલના 6 કર્મચારી દારૂના નશામાં ધૂત હાલાતમાં ઝડપાયા હતા. જેને લઈને હોસ્પિટલ તંત્ર સામે અનેક સવાલો ઉભા થયા છે. 

ચાલુ ફરજે પીવાઈ રહ્યો હતો દારૂ

અમદાવાદ સિવિલ હોસ્પિટલનો સેનેટરી ઇન્સ્પેકટર તુષાર ખરાડી સહિત 6 શખ્સો દારૂના નશામાં ઝડપાયા હતા. સોપનમ 8 માં દારૂની મેહફીલ જામી હતી. જેમાં ચાલુ ડ્યુટી પર કર્મચારીઓ દારૂ ઢીંચી મોજ માણતા ઝડપાયા હતા. જેને લઈને સ્થાનિક લોકોએ વિડિયો બનાવવાનો પ્રયાસ કર્યો હતો. જેને પગલે કેમેરાથી બચી નશાના બંધાણી કર્મચારીઓ નાસી ગયા હતા. ઉલ્લેખનિય છે કે શાહીબાગ પોલીસ અને મેઘાણીનગર પોલીસ વચ્ચે હદનો વિવાદ વકરી રહ્યો છે. અમારામાં ન આવેનું જણાવી બન્ને પોલીસ મથકના કર્મીઓ કાર્યવાહી ન કરતા હોવાની પણ રાવ ઉઠી છે. ત્યારબાદ મેઘાણીનગર પોલીસે અટકાયત કરી કાર્યવાહી આગળ ધપાવી છે.