દેશ / અગ્નિપથની ભરતીના નિયમોમાં થયા ફેરફાર, હવે આ અભ્યાસ કરનારા લોકોને પણ અપાયો ચાન્સ, જાણી લો સમગ્ર પ્રોસેસ

• અગ્નિપથ યોજનામાં ફેરફારો કરવાનું એલાન 
• આવનારી ભરતી 3 ચરણોમાં થશે
• ઉમેદવારોને વિવિધ બોનસ અંકો આપવામાં આવશે

કોટા સેના ભરતી કાર્યાલયથી 326 સફળ અગ્નિવીર ભરતી ઉમેદવાર ટ્રેનિંગ માટે રવાના થશે. સેના ભરતી નિર્દેશક કર્નલ ઈંદરજીત સિંહે જણાવ્યું કે ભારતીય સેનાએ અગ્નિવીર ભરતી પ્રક્રિયામાં ફેરફારોની ઘોષણા કરી છે. 

ભરતી 3 ચરણોમાં થશે
ભારતીય સેનાની આગામી ભરતી ત્રણ ચરણોમાં થશે અને વધુમાં વધુ 50 અંકનો બોનસ મળશે. પ્રથમ ચરણમાં તમામ ઉમેદવારોને સામાન્ય પ્રવેશ પરીક્ષા આપવી પડશે. દ્વિતીય ચરણમાં શોર્ટલિસ્ટ કરવામાં આવેલા ઉમેદવારોને સંબંધિત AROSની તરફથી નક્કી કરવામાં આવેલા સ્થાનો પર ભરતી રેલી માટે બોલાવવામાં આવશે.

વધુમાં વધુ 50 અંકનો બોનસ
રેલીમાં શારીરિક સ્વાસ્થ્ય પરીક્ષણ અને શારીરિક માપન પરીક્ષણ થશે. અંતિમ ચરણમાં પસંદ કરવામાં આવેલા ઉમેદવારોને મેડિકલ ટેસ્ટ આપવાનું રહેશે. NCCની તરફથી સર્ટિફિકેટ ધારકોને ભરતી પરીક્ષામાં કોઈપણ પ્રકારની છૂટ મળશે નહીં. 20 અંકો બોનસનાં રૂપે મળશે. 10માં ધોરણ બાદ એકવર્ષનાં ITI કોર્સ પર 20 અંક આપવામાં આવશે. 2 વર્ષનાં ITI કોર્ષ પર 30 અંકોનો બોનસ અને 12માં બાદ એકવર્ષ ડિપ્લોમા પર 30, 2 વર્ષનાં ડિપ્લોમા પર 40 અને 3 વર્ષનાં ડિપ્લોમાં પર 50 અંક બોનસનાં રૂપે આપવામાં આવશે. 

ઓનલાઈન એપ્લિકેશન 15 માર્ચ સુધી ઓપન
સેના ભરતી નિર્દેશકે જણાવ્યું કે ઓનલાઈન JIA વેબસાઈટ પર અરજી 15 માર્ચ સુધી ચાલુ રહેશે. એપ્લિકેશનની પ્રક્રિયા પહેલા જેવી જ છે. ઉમેદવારે આધારકાર્ડ કે 10માં ધોરણનાં પ્રમાણપત્રનો ઉપયોગ કરીને અપ્લાય કરી શકશે. તેમણે કહ્યું કે ઈન્ડિયન આર્મીની વેબસાઈટને વધારે પારદર્શિતા માટે ડિજિલોકર સાથે જોડવામાં આવ્યું છે. ઑનલાઈન CEE સમગ્ર ભારતમાં 176 સ્થાનો પર આયોજિત કરવામાં આવી રહી છે. જેનો શુલ્ક 500 રૂપિયા પ્રતિ ઉમેદવાર છે.