અલર્ટ / સાવધાન પશ્ચિમ અમદાવાદ : અનલોક બાદ કોરોના વકર્યો, આ એક જ વિસ્તારમાં 150થી વધુ કેસ

• કોરોનાનું નવું એપી સેન્ટર પશ્ચિમ અમદાવાદ
• પશ્ચિમ ઝોનના નારણપુરામાં કોરોનાના સૌથી વધુ ૧૫૦થી વધુ કેસ
• કોરોનાએ મધ્ય ઝોનમાં હાહાકાર મચાવ્યો હતો.

અગાઉ મધ્ય ઝોનનો કોટ વિસ્તાર અને દ‌િક્ષણ ઝોનના બહેરામપુરા, દાણીલીમડા અને મણિનગર જેવા વિસ્તારમાં દરરોજ કોરોનાના બોમ્બ ફૂટતા હતા, પરંતુ તંત્ર દ્વારા લોકડાઉન દરમિયાન પૂર્વ અમદાવાદમાં કડક નિયંત્રણ લદાયાં હતાં. આની સરખામણીમાં પશ્ચિમ અમદાવાદમાં છૂટછાટ અપાઇ હતી. તેમાં પણ અનલોક-૧ હેઠળ ગત તા.૧ જૂનથી તો વ્યાપક છૂટછાટ અપાતાં કોરોનાનું નવું એપી સેન્ટર પશ્ચિમ અમદાવાદ બન્યું છે.

કોરોનાએ મધ્ય ઝોનમાં હાહાકાર મચાવ્યો હતો.

પશ્ચિમ અમદાવાદમાં માસ્ક અને સોશિયલ ડિસ્ટન્સિંગ પાળવામાં બેદરકારી દાખવતા લોકોના કારણે દરરોજના ૬૦-૭૦ કેસ નોંધાઇ રહ્યા છે. પાલડી, વાસણા, નવરંગપુરા, નારણપુરા, નવા વાડજ વોર્ડ કોરોનાના નવા એપી સેન્ટર બન્યાં છે. ગત તા.૧૭ માર્ચે સેટેલાઇટ અને આંબાવાડી એમ આ બે જગ્યાએ બે કેસ નોંધાયા હતા. ત્યાર બાદ કોરોનાએ મધ્ય ઝોનમાં હાહાકાર મચાવ્યો હતો.

પશ્ચિમ ઝોનના નારણપુરામાં કોરોનાના સૌથી વધુ ૧૫૦થી વધુ કેસ

જોકે હવે પશ્ચિમ અમદાવાદમાં કોરોનાનું સંક્રમણ ભયજનક હદે વધ્યું છે. ગત તા.૭ જૂને પશ્ચિમ ઝોનમાં ૧,૭૦ર, ઉત્તર-પશ્ચિમમાં પર૬ અને દ‌િક્ષણ-પશ્ચિમમાં ૬૮૦ કેસ મળીને કેલ ર,૯૦૮ કેસ હતા જ્યારે હવે એકલા પશ્ચિમ ઝોનમાં ર,૮૭૬ કેસ થયા છે. જ્યારે ઉત્તર-પશ્ચિમમાં ૧,૦૬૦ અને દ‌િક્ષણ-પશ્ચિમમાં ૧,૧૭૦ કેસ નોંધાઇ ચૂકયા છે. પશ્ચિમ ઝોનના નારણપુરામાં કોરોનાના સૌથી વધુ ૧૫૦થી વધુ કેસ નોંધાયા હોવાનું જાણવા મળ્યું છે. જ્યારે ઉત્તર-પશ્ચિમમાં બોડકદેવ, થલતેજ અને દ‌િક્ષણ-પ‌િશ્ચમ ઝોનમાં જોધપુર, વેજલપુર અને મકતમપુરામાં ૧૦૦થી વધુ કેસ થયા છે.

કેન્દ્રીય ટીમને અમદાવાદ આવવાની ફરજ પડી

આજની સ્થિતિએ પશ્ચિમ અમદાવાદમાં ૧,૭૬પ જેટલા એક્ટિવ કેસ છે. જે શહેરના અન્ય ઝોન કરતાં વધુ છે. જ્યારે મૃત્યુઆંક પણ રપ૦થી વધુનો નોંધાયો છે. મૃત્યુઆંકના મામલે પણ પશ્ચિમ અમદાવાદમાં વધુને વધુ દર્દીનો ભોગ લેવાઇ રહ્યો છે. દરમિયાન આજ સાંજ સુધીમાં અમદાવાદમાં કોરોનાના કુલ કેસનો આંકડો ર૦,૦૦૦ને પાર કરશે. આમ અમદાવાદમાં કોરોનાના કેસ નવા વિક્રમ સર્જી રહ્યું છે. જેના કારણે કેન્દ્રીય ટીમને અમદાવાદ આવવાની ફરજ પડી છે.

બીજી તરફ ગુજરાતમાં ગત તા.૭ જૂને ર૦,૦૦૦ કેસ નોંધાયા હતા. રાજ્યમાં હવે દરરોજના પ૦૦થી વધુ કેસ નોંધાઇ રહ્યા છે. ગત તા.ર૧ જૂને એક જ દિવસે પ૮૦ કેસનો નવો ઉચ્ચાંક નોંધાયો હતો. આજે રાજ્યમાં કોરોનાના કેસનો આંકડો ૩૦,૦૦૦ને પાર કરશે. એટલે કે રાજ્યમાં ૧૯ દિવસમાં નવા ૧૦,૦૦૦ કેસ નોંધાશે. જે ગુજરાત માટે ચિંતાજનક બાબત છે.