બિઝનેસ પ્લાન / આઇફોન બાદ Apple વધુ એક પ્રોડક્ટને ભારતમાં મેન્યુફેક્ચરિંગ કરવાની તૈયારીમાં, આ રાજ્યમાંથી કરશે શ્રીગણેશ

• Apple કંપની ભારતમાં વાયરલેસ ઇયર બડ્સ એરપોડ્સનું ઉત્પાદન શરૂ કરશે
• ફોક્સકોનની હૈદરાબાદ ફેક્ટરીમાં એપલ એર પોડ્સનું ઉત્પાદન શરૂ થશે 
• ફોક્સકોન આઇફોન સહિત ઘણા એપલ પ્રોડક્ટનું કરે છે ઉત્પાદન

Made In India Apple AirPods : Apple કંપની ટૂંક સમયમાં ભારતમાં વાયરલેસ ઇયર બડ્સ એરપોડ્સનું ઉત્પાદન શરૂ કરશે. આ પછી મેડ ઇન ઇન્ડિયા એરપોડ્સનો સમગ્ર વિશ્વમાં દબદબો વધી જશે. વાત જાણે એમ છે કે, ફોક્સકોનની હૈદરાબાદ ફેક્ટરીમાં એપલ એર પોડ્સનું ઉત્પાદન ટૂંક સમયમાં શરૂ કરવામાં આવશે. ફોક્સકોન આઇફોન સહિત ઘણા એપલ પ્રોડક્ટનું ઉત્પાદન કરે છે. 

ફોક્સકોને હૈદરાબાદ પ્લાન્ટ માટે US$ 400 મિલિયનના રોકાણની મંજૂરી આપી દીધી છે. તેમજ ડિસેમ્બર 2024 સુધીમાં આ પ્લાન્ટમાં મોટા પાયે ઉત્પાદન શરૂ થઈ શકે છે. સમાચાર એજન્સી પીટીઆઈએ એક સ્ત્રોતને ટાંકીને આ માહિતી આપી છે. જોકે એપલ અને ફોક્સકોને હજુ સુધી આ માહિતીની પુષ્ટિ કરી નથી.

ભારતમાં બનાવેલ બીજી પ્રોડક્ટ
ભારતમાં બનાવેલ Appleના iPhone પછી AirPods બીજી પ્રોડક્ટ હશે જેનું ઉત્પાદન ભારતમાં શરૂ થશે. આ બીજી મેડ ઈન ઈન્ડિયા પ્રોડક્ટ હશે જે વિશ્વભરના માર્કેટમાં ઉપલબ્ધ થશે. જણાવી દઈએ કે Appleના AirPods TWS (સાચા વાયરલેસ સ્ટીરિયો) વિશ્વભરના બજારમાં વેચાય છે.

એપલના એરપોડ્સની લોકપ્રિયતા
એપલના એરપોડ્સ ભારત સહિત સમગ્ર વિશ્વમાં લોકપ્રિય છે. મજબૂત સાઉન્ડ ક્વોલિટી સહિત તેમાં ઘણી સારી સુવિધાઓ ઉપલબ્ધ છે. તેમાં બહેતર અવાજ રદ કરવાની સુવિધા પણ છે, જે ઑડિયો કૉલ દરમિયાન આસપાસના અવાજને દૂર કરવાનું કામ કરે છે. એટલું જ નહીં કંપનીએ તેમાં એક ખાસ ફીચર આપ્યું છે, જે દરેક વ્યક્તિના કાનની સાઈઝ પ્રમાણે અવાજને ટ્યુન કરવાનું કામ કરે છે.