દેશ / 'અમારે સમય નથી જોઇતો', અદાણી-હિન્ડબર્ગ મામલે SEBIની તપાસ ક્લોઝ થઇ જશે? જુઓ સુપ્રીમ કોર્ટમાં શું કહ્યું

• અદાણી-હિંડનબર્ગ મામલામાં નવો અપડેટ
• સેબીએ સુપ્રીમ કોર્ટને તપાસ અંગે આપ્યું મોટું આશ્વાસન
• કહ્યું તપાસ પૂરી કરવા માટે વિસ્તારની માંગ નહીં કરે

શું અદાણી હિંડનબર્ગ મામલામાં સેબીની તપાસ સમાપ્ત થવાની છે? શુક્રવારે સેબીએ સુપ્રીમ કોર્ટને કહ્યું કે તેઓ અદાણી-હિંડનબર્ગ મામલામાં પોતાની તપાસ પૂરી કરવા માટે વિસ્તારની માંગ નથી કરી રહ્યું. આ પહેલા સેબીની તરફથી તપાસ પૂરી કરવા માટે સમયની માંગ કરવામાં આવી હતી જેના પર સુપ્રીમ કોર્ટે નારાજગી વ્યક્ત કરી હતી. જો કે સેબીએ આ મામલામાં 24 તપાસોમાંથી 22ની ફાઈનલ રિપોર્ટ અને 2ની વચગાળાની રિપોર્ટ સુપ્રીમ કોર્ટને પહેલા જ સોંપી દીધી છે.

સુપ્રીમ કોર્ટે સેબીને કર્યા સવાલ
શુક્રવારે ભારતનાં ચીફ જસ્ટિસ ડી.વાય.ચંદ્રચૂડે સેબીને પૂછ્યું કે તેઓ રોકાણકારોની વેલ્યૂ પર શું કરી રહ્યું છે અને શું તેઓ તેમની સેફ્ટીને લઈને સજાગ છે? સેબીને પૂછવામાં આવ્યું કે શેરબજારમાં ઘણી અસ્થિરતા છે. રોકાણકારોને આ પ્રકારની અસ્થિરતાથી બચાવવા માટે સેબીએ શું યોજના બનાવી છે? સેબીનું પ્રતિનિધત્વ કરી રહેલા સૉલિસિટર જનરલ તુષાર મેહતાએ કહ્યું કે આ પ્રકારનાં મામલામાં શોર્ટ-સેલર્સની સામે કાર્યવાહી કરવામાં આવી છે. મેહતાએ કહ્યું કે રેગ્યૂલેટરી મેકેનિઝમને મજબૂત કરવા માટે વિશેષજ્ઞ સમિતિની ભલામણો પર કોઈ આપત્તિ નથી અને ભલામણો વિચારાધિન છે જેથી સૈદ્ધાંતિકરૂપે અમે આ ભલામણોનો સ્વીકાર કરી લીધો છે.

શું હતો સમગ્ર મામલો?
અદાણી ગ્રુપ જાન્યુઆરી 2023થી વિવાદોમાં ઘેરાયેલું છે. હિંડનબર્ગ રિસર્ચે પોતાની રિપોર્ટમાં ગ્રુપ પર દુનિયાનાં સૌથી મોટા એકાઉંટિંગ ફ્રોડનો આરોપ લગાડ્યો હતો. હિંડનબર્ગે કહ્યું હતું કે અદાણી ગ્રુપે પોતાની કંપનીઓનાં શેરોમાં હેરાફેરી કરી છે. આ સિવાય અન્ય પણ ઘણાં આરોપ લગાડ્યાં હતાં. જો કે ગ્રુપે તમામ આરોપોનો અસ્વીકાર કર્યો હતો.