- 31 ડિસેમ્બર માટે વડોદરા પોલીસનો એક્શન પ્લાન તૈયાર
- શહેરમાં 55 જગ્યાએ થશે નાકાબંધી, NDPS કીટ અને બ્રેથ એનેલાઇઝરથી ટેસ્ટિંગ કરાશે
- 200 નંગ બ્રેથ એનેલાઇઝર અને NDPSની 100 કીટ લેવાશે ઉપયોગમાં
- 6 ડીસીપી, 15 ACP, 32 PI, 78 PSI અને 1472 કોન્સ્ટેબલનો ગોઠવાશે બંદોબસ્ત
- ભીડભાળ વાળા વિસ્તારોમાં ટપોરીઓ પર પોલીસ રાખશે બાજ નજર
31 ડિસેમ્બરને લઈ વડોદરા પોલીસનો એક્શન પ્લાન તૈયાર છે. વિગતો મુજબ વડોદરામાં પોલીસ દ્વારા શહેરમાં 55 જગ્યાએ નાકાબંધી થશે. આ સાથે NDPS કીટ અને બ્રેથ એનેલાઇઝરથી ટેસ્ટિંગ કરાશે. 200 નંગ બ્રેથ એનેલાઇઝર અને NDPSની 100 કીટ ઉપયોગમાં લેવાશે. આ તરફ 6 ડીસીપી, 15 ACP, 32 PI, 78 PSI અને 1472 કોન્સ્ટેબલનો બંદોબસ્ત ગોઠવાશે. નોંધનિય છે કે, હાલ નાતાલની રજાઓ અને 31 ડિસેમ્બરે પાર્ટીના આયોજનોમાં અન્ય રાજ્યમાંથી બુટલેગરો મોટાપાયે દારૂ ઘુસાડતા હોય છે ત્યારે વડોદરામાં આ દુષણને અટકાવવા પોલીસતંત્ર સજ્જ બન્યું છે.
વડોદરા પોલીસે 31 ફર્સ્ટમાં દારૂની રેલમછેલ અટકાવવા એક્શન પ્લાન બનાવ્યો છે. આથી દારૂના બંધાણીઓને ઘાણી સર્જાઈ છે. જેમાં શહેરના એન્ટ્રી એક્ઝિટ પોઈન્ટ પર 55 જેટલા સ્થળોએ નાકાબંધી પોઈન્ટ બનાવ્યા છે. તેમજ નબીરાઓને પકડવા પોલીસને 200 જેટલા બ્રીથ એનલાઈઝર પણ આપી દેવામાં આવ્યા છે.
વડોદરામાં પોલીસ એલર્ટ
31 ડિસેમ્બરને લઈ વડોદરા પોલીસનો એક્શન પ્લાન તૈયાર કર્યો હોઇ ભીડભાળવાળા વિસ્તારોમાં ટપોરીઓ પર પોલીસ બાજ નજર રાખશે. આ સાથે પોલીસની શી ટીમ સિવિલ ડ્રેસમાં ફરજ બજાવશે. આ સાથે બાઈક સ્ટંટ કરતાં ઝડપાશે તો ગુનો નોંધાશે. મહત્વનું છે કે, વડોદરામાં જાહેર માર્ગ પર દારૂખાનું ફોડવા પર પણ પ્રતિબંધ લગાવ્યો છે.
