કાર્યવાહી / ભાવનગરમાં રાજ્ય વ્યાપી બોગસ બીલિંગ કૌભાંડ ઝડપાયું, અભણ વ્યક્તિઓ પાસેથી આધાર-પાન મેળવી આવી રીતે કર્યા કાંડ, વધુ 2ની ધરપકડ

• ભાવનગરમાં બોગસ પેઢીઓ સામે કાર્યવાહી
• SITની ટીમે વધુ 2 શખ્સોની કરી ધરપકડ
• રાજ્યવ્યાપી બોગસ બીલિંગનુ કૌંભાડ ચલાવતા હતા બન્ને શખ્સો

ભાવનગર શહેર અને જિલ્લામા બોગસ પેઢીઓ સામે કાર્યવાહીનો ધમધમાટ શરૂ થયો છે. SITની ટીમે વધુ 2 શખ્સોની ધરપકડ કરી છે. રાજ્યવ્યાપી બોગસ બીલિંગનુ કોંભાડ ચલાવતા બન્ને શખ્સોની ધરપકડ કરાઈ છે.
 

રાજ્યના DGPએ સમગ્ર મામલે કરી છે SITની રચના
અભણ વ્યક્તિઓ પાસેથી આધાર-પાન કાર્ડ મેળવી છેતરપિંડી આચરતા બેન્ને શખ્યોની ધરપકડ કરાઈ છે. ખોટા ડોક્યુમેન્ટ આધારે સીમ કાર્ડ અને GST નંબર મેળવતા હતાં. પાલીતાણા ખાતેથી અત્યાર સુધી 11 આરોપીઓની ધરપકડ કરાઈ છે.  રાજ્યના DGPએ સમગ્ર મામલે SITની રચના કરી છે. ભાવનગર રેન્જ આઇજીના અધ્યસ્થાને SITની રચના કરી છે. 

બોગસ બિલિંગ કૌભાંડ મામલે લાલ આંખ
ગુજરાતમાં SGSTની ટીમ અને પોલીસ દ્વારા હવે બોગસ બિલિંગ કૌભાંડને લઈ લાલ આંખ કરાઇ છે. વિગતો મુજબ આ અભિયાન અંતર્ગત અગાઉ અમદાવાદ, સુરત, રાજકોટ, આણંદ અને ભાવનગરમાં અંદાજિત 100થી વધુ પેઢીઓમાં તપાસ કરાઇ હતી. જોકે આ પેઢીઓમાં તપાસ દરમિયાન અધધધ.... 4,000 કરોડથી વધુના બોગસ ટ્રાન્ઝેક્શન હાથ લાગ્યા હતા. જોકે અનેક જગ્યાએ તપાસ દરમ્યાન પણ કેટલાક કૌભાંડીઓ નવી મોડસ ઓપરેન્ડીનો ઉપયોગ કરી કૌભાંડ આચરતાં હોવાનો પણ ઘટસ્ફોટ થયો હતો.

કેવી રીતે ઊભી કરતાં હતા બોગસ પેઢી ? 
અગાઉની તપાસમાં વિગતો ખુલ્લી હતી કે, કૌભાંડીઓ દ્વારા આધાર કાર્ડ સેન્ટર પરથી જરૂરિયાતમંદ લોકોના આધારમાં મોબાઇલ નંબર બદલીને તેમના નામે પેઢીઓ ઊભી કરવામાં આવી હતી. નોંધનીય છે કે, આઠ મહિનામાં 1500 આધારના મોબાઇલ નંબર બદલાવામાં આવ્યા છે અને તેના આધારે 470 GST રજિસ્ટ્રેશન મેળવવામાં આવ્યા હતા.