ગોલમાલ ? / લ્યો બોલો! અહીં પૂર્વ મંત્રી પોતે કોરોના પોઝિટિવ આવ્યા છતાં આરોગ્ય તંત્રનાં આંકડામાં મોટું મીંડું

• આરોગ્યવિભાગના કોરોનાના આંકડાને લઇને સવાલ
• કુંવરજી બાવળિયા કોરોના સંક્રમિત
• જસદણમાં દર્શાવ્યા કોરોનાના શૂન્ય કેસ

છેલ્લા થોડા દિવસોથી કોરોનાના કેસમાં વધારો નોંધાઇ રહ્યો છે.  રાજ્યોમાં કોરોનાના કેસ હવે 6 હજારને પાર પહોંચ્યા છે.  અમદાવાદ અને સુરતમાં કોરોનાના કેસમાં વધારો થઇ રહ્યો છે પરંતુ એક એવી ઘટના સામે આવી છે કે જે જોતા આરોગ્ય વિભાગ દ્વારા અપાતા આંકડા પર સવાલો ઉભા થયા છે. પૂર્વ મંત્રી કુંવરજી બાવળિયા કોરોના સંક્રમિત થયા છે. તેઓએ જસદણમાં કોરોના ટેસ્ટ કરાવીને પોતે સંક્રમિત થયા હોવાની જાણકારી આપી હતી. પરંતુ નવાઇની વાત એ છે આરોગ્ય વિભાગે રજૂ કરેલા આંકડામાં જસદણમાં એક પણ કોરોનાનો કેસ દર્શાવતા નથી.

ખુદ મંત્રીની જાહેરાત છતાં આંકડા ખોટા

10 જાન્યુઆરીએ કુંવરજીબાવળિયાએ ટ્વિટ કરીને જણાવ્યુ હતુ કે તેઓ કોરોના પોઝિટીવ આવ્યા છે.  હાલમાં તેઓ હોમઆઇસોલેટ છે. પરંતુ અહીં સવાલ એ થાય કે મંત્રીએ પોતે પોઝિટીવ હોવાનુ જણાવ્યુ છે તો પછી આરોગ્ય વિભાગે જસદણમાં કોરોનાના કેસ શૂન્ય કેવી રીતે દર્શાવી શકે ? મંત્રી કોરોના પોઝિટીવ છે તેની આરોગ્ય વિભાગને જાણ ન હતી  ?   આરોગ્ય વિભાગ કેવી રીતે કરે છે કોરોનાના કેસની ગણતરી ?   આ ઘટના પરથી સવાલ હવે એ થાય કે ખરેખર આરોગ્ય વિભાગના જે આંકડા સાચા છે કે ખોટા ?  આરોગ્ય વિભાગ તરફથી જાહેર થયેલા આંકડા પર વિશ્વાસ કરવો કે ન કરવો ?

રાજકોટમાં અત્યાર સુધી કેટલા કેસ નોંધાયા

10 જાન્યુઆરી       249કેસ
9 જાન્યુઆરી        254 કેસ
8 જાન્યુઆરી        257 કેસ
7 જાન્યુઆરી        272 કેસ
6 જાન્યુઆરી        224 કેસ
5 જાન્યુઆરી        159 કેસ
4 જાન્યુઆરી        57કેસ
3 જાન્યુઆરી        61 કેસ
2 જાન્યુઆરી        60 કેસ
1 જાન્યુઆરી          61 કેસ