Ahmedabad News: કાયા કિંગમાં વોટર સ્પોર્ટ્સ કરતી વખતે બેલેન્સ બગડતા યુવક નદીમાં પડ્યા બાદ અચાનક બોટ પલટી ગઈ અને.....
Share
અમદાવાદમાં સાબરમતી નદીમાં બોટ પલટી
કાયા કિંગમાં બોટિંગ દરમિયાન બોટ પલટી
બોટમાં સવાર યુવકનું રેસ્ક્યૂ કરાયું
બચાવાયેલા યુવકના રેસ્ક્યૂનો વીડિયો વાયરલ
બોટ સવાર યુવકે લાઈવ જેકેટ પહેરેલું હોવાથી જાનહાનિ ટળી
અમદાવાદમાં રિવરફ્રન્ટ પર સાબરમતી નદીમાં કાયા કિંગમાં બોટિંગ દરમિયાન એક દુર્ઘટના સામે આવી છે. વાત જાણે એમ છે કે, અમદાવાદ સાબરમતી નદીમાં રિવરફ્રન્ટમાં એક યુવક નદીમાં પડી ગયો હતો. આ તરફ ઘટના અંગે જાણ થતાં જ રેસ્ક્યૂ ટીમે તાત્કાલિક રેસ્ક્યૂ કરી યુવકને બચાવી લીધો હતો.
અમદાવાદમાં સાબરમતી નદીમાં બોટ પલટી હોવાની ઘટના સામે આવી છે. વિગતો મુજબ આજે બપોરના સમયે કાયા કિંગમાં વોટર સ્પોર્ટ્સ કરતી વખતે બેલેન્સ બગડતા યુવક નદીમાં પડ્યા બાદ અચાનક બોટ પલટી ગઈ હતી. જોકે અહીં રાહતની વાત તો એ છે કે, બોટ સવાર યુવકે લાઈવ જેકેટ પહેરેલું હતું. આ તરફ રેસ્ક્યૂ ટીમ દ્વારા યુવકને તાત્કાલિક બચાવી લેવાયો હતો.
1 એપ્રિલથી જ શરૂ કરાઇ છે કાયાકિંગ વોટર સ્પોર્ટસ એક્ટિવિટી
વાત જાણે એમ છે કે, હજી 1 એપ્રિલથી જ અમદાવાદની સાબરમતી નદીમાં સરદાર બ્રિજથી લઈ આંબેડકર બ્રિજની વચ્ચે કાયાકિંગ વોટર સ્પોર્ટસ એક્ટિવિટી શરૂ કરવામાં આવી છે. આ દરમિયાન બપોરે 12 વાગ્યા આસપાસ એક વ્યક્તિ કાયાકિંગ બોટમાં બેઠા હતા. આ તરફ થોડે દૂર ગયા બાદ એ વ્યક્તિનું બેલેન્સ બગડી ગયું અને તેઓ નદીમાં પડ્યા હતા.
લાઈફ જેકેટ પહેર્યું હોઇ રાહત
અમદાવાદમાં સાબરમતી નદીમાં બોટ પલટી જવાની ઘટનામાં યુવકે લાઈફજેકેટ પહેર્યું હોઇ તેમનો જીવ બચી ગયો હતો. આ તરફ એજન્સીના માણસોએ તાત્કાલિક રેસ્ક્યૂ કરી યુવકને બચાવી લીધો હતો. જે બાદમાં આ યુવકને નદીમાંથી બહાર નિકાળી અન્ય બોટમાં બેસાડ્યો હતો. આ સમગ્ર રેસ્ક્યૂનો વિડીયો પણ સામે આવ્યો છે.
