નવો ચીલો ચીતર્યો..! / ગુજરાત કોંગ્રેસના દિગ્ગજ નેતાએ હાઈકમાન્ડને સંગઠનમાં મોટા ફેરફારની કરી માંગ, રાહુલ ગાંધીની કરાવી એન્ટ્રી

• ગુજરાત કોંગ્રેસના અધ્યક્ષની નિમણૂકને લઈ મનહર પટેલની રજૂઆત
• કોંગ્રેસ અધ્યક્ષ મલ્લિકાર્જૂન ખડગેને કરી રજૂઆત
• અધ્યક્ષની નિમુણૂક પહેલા ગુજરાત કોંગ્રેસમાં મોટા ફેરફાર કરવામાં આવે : મનહર પટેલ

છેલ્લા કેટલાક દિવસથી ગુજરાત કોંગ્રેસના અધ્યક્ષ બદલવાની ચર્ચા ચાલી રહી છે ત્યારે ફરીવાર આ મુદ્દો ગાજયો છે. જેમાં ગુજરાત કોંગ્રેસ અધ્યક્ષની નિમણૂકની વાત કરીએ મનહર પટેલ દ્વારા મલ્લિકાર્જૂન ખડગેને રજૂઆત કરવામાં આવી છે. અને અધ્યક્ષની નિમુણૂક પહેલા ગુજરાત કોંગ્રેસમાં મોટા ફેરફાર કરવામાં આવે તે પ્રકારની રજૂઆત પણ મનહર પટેલ દ્વારા કરવામાં આવી છે. 
 

It is my respectful request to the AICC President shri @kharge ji that before appointing the President of the Gujarat Congress, a big surgery is conducted in the Gujarat Congress according to the wishes and feelings of Mr. Rahul ji.

— Manhar Patel (@inc_manharpatel) February 16, 2023

રજુઆતમાં કહ્યું કે...
વધુમાં રજુઆતમાં એમ પણ ઉલ્લેખનીય કરાયો છે કે રાહુલ ગાંધી ગુજરાત કોંગ્રેસની ટીમથી નારાજ છે. મહત્વનું છે કે છેલ્લી જેટલી પણ ચૂંટણી આવી હતી તે તમામ ચૂંટણીમાં કોંગ્રેસને રાતા પાણીએ રોવાનો વારો આવ્યો હતો. તેમજ વિધાનસભાની ચૂટણીની વાત કરીએ તો તેમાં પણ હાથના ટેરવે ગણી શકાય તેટલી બેઠક કોંગ્રેસ પાર્ટીને માંડ આવી છે. આ તમામ પરીણામોને જોતા રાહુલ ગાંધી પણ ગુજરાત કોંગ્રેસની ટીમથી નારાજ હોવાના સમાચાર મળી રહ્યા છે. વૈચારિક પ્રતિબંદ્ધતાના અભાવને પગલે રાહુલ ગાંધી પ્રદેશ કોંગ્રેસથી નારાજ હોવાનું પણ જણાવ્યું છે.

કોંગ્રેસ ગુજરાતમાં પ્રદેશ અધ્યક્ષ બદલવાના મૂડમાં

કોંગ્રેસ હાઈકમાન્ડ ગુજરાતમાં પ્રદેશ અધ્યક્ષ બદલવાના મૂડમાં હોવાની ચર્ચા ચાલી રહી છે.જેમાં ગુજરાત કોંગ્રેસના પ્રદેશ અધ્યક્ષની રેસમાં પરેશ ધાનાણી સૌથી આગળ ચાલી રહ્યું છે. ચૂંટણીમાં હાર બાદ હાઇકમાન્ડ એક્શનમાં તાજેતરમાં યોજાયેલી ગુજરાત વિધાનસભાની ચૂંટણીમાં ભાજપે અત્યાર સુધીના તમામ રેકોર્ડ તોડીને ઐતિહાસિક જીત મેળવી હતી. તો બીજુ 2017માં 77 સીટો જીતેલી કોંગ્રેસને આ વખતે એટલે કે 2022માં 17 સીટો જ મળી છે. જ્યારે આમ આદમી પાર્ટીને 5 સીટ તેમજ અન્યને ફાળે 4 સીટ(3 અપક્ષ અને 1 સમાજવાદી પાર્ટી) આવી છે. કોંગ્રેસ દ્વારા આંકલાવના ધારાસભ્ય અમિત ચાવડાને વિધાનસભામાં વિરોધ પક્ષના નેતા બનાવાયા છે. દાણીલીમડાના ધારાસભ્ય શૈલેશ પરમારને વિધાનસભાના પક્ષના ઉપનેતા બનાવવામાં આવ્યા છે.  વિપક્ષ નેતા OBC બનતા કોંગ્રેસ પાટીદાર ચહેરાને પ્રદેશ અધ્યક્ષ બનાવે તેવી શક્યતા છે. ગુજરાત કોંગ્રેસના પ્રદેશ અધ્યક્ષની રેસમાં પરેશ ધાનાણી સૌથી આગળ છે. કોંગ્રેસ હાઇકમાન્ડ પરેશ ધાનાણીને પ્રદેશ અધ્યક્ષ પદની કમાન સોંપી શકે છે.