દુ:ખદ ઘટના! / માલીમાં ભયંકર અકસ્માત: બસ પુલ પરથી નીચે ખાબકતા 31 લોકોના કમકમાટીભર્યા મોત, પરિવહન મંત્રાલયે કરી પુષ્ટિ

આફ્રિકન દેશ માલીમાં મંગળવારે થયેલી બસ દુર્ઘટનામાં 31 લોકોના મોત થયા છે. આ ઘટના કેનીબામાં બની હતી જ્યારે એક બસ નદી પરના પુલ પરથી પડી હતી.  આ દુર્ઘટના સ્થાનિક સમય અનુસાર સાંજે 5 વાગ્યે બની હતી. બસ બુર્કિના ફાસો જઈ રહી હતી. આ અકસ્માતનું કારણ ડ્રાઈવરે વાહન પરથી કાબુ ગુમાવવો હોવાનું કહેવાય છે. 

વધુ વાંચોઃ UKમાં વર્ક પરમિટ પર જનારા લોકો માટે ગુડ ન્યૂઝ, કામ કરવું થશે વધુ સરળ, જાણો વિગત

પશ્ચિમ આફ્રિકામાં તાજેતરના સમયમાં માર્ગ અકસ્માતમાં વધારો થયો છે. વધતા માર્ગ અકસ્માતોનું કારણ માલીના ખરાબ રસ્તાઓ ગણાવવામાં આવી રહ્યા છે. સમગ્ર વિશ્વમાં રોડ ટ્રાફિકથી થતા મૃત્યુમાંથી લગભગ ચોથા ભાગ આફ્રિકામાં થાય છે. તમને જણાવી દઈએ કે 46 દિવસ પહેલા પણ માલીમાં એક રોડ અકસ્માત થયો હતો. આ દરમિયાન બસ અને ટ્રક વચ્ચે અથડામણ થઈ હતી, જેમાં 15 લોકોના મોત થયા હતા જ્યારે ઘણા લોકો ઘાયલ થયા હતા.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો