ઘટના / સુરત ફરી ક્રાઇમના રવાડે! અટલજી નગરમાં 5થી 7 લોકોએ જીવલેણ હુમલો કરતા 2નાં મોત, પોલીસ થઈ દોડતી

• સુરતમાં ફરી સામે આવી હત્યાની ઘટના
• પડોળ વિસ્તારમાં બે વ્યક્તિની હત્યા 
• 5થી 7 જેટલા લોકોએ કર્યો હતો હુમલો 

રાજ્યમાં ક્રાઈમની ઘટના દિવસેને દિવસે વધતી જતી હોય તેવું જણાઈ રહ્યું છે. સુરતમાં ફરીવાર એકવાર ખુની ખેલ ખેલાયો છે. પડોળ વિસ્તારમાં અટલજી નગરમાં હત્યાનો બનાવ બન્યો છે.  5થી 7 જેટલા લોકોએ હુમલો કર્યો હતો જેમાં બેના મોત થયા છે.

હુમલામાં બે લોકોના થયા મોત
સુરતના પડોળ વિસ્તારમાં અટલજી નગરમાં હત્યાનો બનાવ બન્યો છે.  અટલજી નગરમાં વહેલી સવારે ખૂની ખેલ ખેલાયો હતો. પાંચથી સાત વ્યક્તિએ હુમલો કરતા બે લોકોના મોત થયા છે. પાપ્ત વિગતો મુજબ બે વ્યક્તિ પર અગંતકારણોસર પાંચથી સાત વ્યક્તિએ એકાએક હુમલો કરી દીધો હતો જે હુમલામાં બે વ્યક્તિનો મોત થયા છે. જે સમગ્ર ઘટનાને લઈ પોલીસ ઘટનાસ્થળે પહોંચી હતી. 

પોલીસે પાંચ લોકોની કરી અટકાયત
હુમલામાં બંને વ્યક્તિઓના મૃત્યુ  થતા પોલીસ દોડતી થઈ ગઈ હતી અને ઘટનાસ્થળે પહોંચી તપાસ હાથ ધરી હતી. પોલીસે હુમલાખોર 5 શખ્સોની અટકાયત કરી છે તેમજ વધુ કાર્યવાહી હાથધરી છે. જે ઘટનાથી સમગ્ર પંથકમાં સન્નાટો વ્યાપી જવા પામ્યો હતો.