જામનગર / હવસના ભૂખ્યા યુવકે ખેતરમાં રમતી બાળકી પર આચર્યું દુષ્કર્મ,બુમાબુમ કરતાં નરાધમ ભાગ્યો, જોડિયામાં બની હ્રદય કંપાવનારી ઘટના

• જામનગરના જોડિયામાં બાળકી પર યુવકે આચાર્યુ દુષ્કર્મ
• બાળકી ખેતરમાં રમતી હતી તે દરમ્યાન યુવકે દુષ્કર્મ આચાર્યુ 
• એકલતાનો લાભ ઉઠાવી યુવકે બાળકી સાથે આચર્યું દુષ્કર્મ

જામનગરનાં જોડિયામાં બાળકી તેનાં પિતા સાથે ખેતરે ગઈ હતી. ત્યારે બાળકીનાં પિતા ખેતરમાં કામ કરી રહ્યા હતા અને બાળકી રમી રહી હતી. તે દરમ્યાન બાળકીની એકલતાનો લાભ ઉઠાવી યુવકે દુષ્કર્મ આચરતા ચકચાર મચી ગઈ હતી. બાળકીએ બુમાબુમ કરતા ખેતરમાં કામ કરતા બાળકીનાં પિતા દોડી આવતા આરોપી ફરાર થઈ ગયો હતો. 

પોલીસે ગણતરીનાં કલાકોમાં આરોપીને ઝડપી પાડ્યો
આ બાબતે જામનગર  DySP ડી.પી.વાઘેલાએ જણાવ્યું હતું કે,  ગત રોજ જામનગરનાં જોડિયા પોલીસ મથક ખાતે સાત વર્ષની બાળકી પર દુષ્કર્મનો બનાવ બન્યો હતો.  જે અનુસંધાને ગુનો દાખલ થયો હતો. ત્યારે આરોપી અશ્વિન જયંતીલાલ ગોહિલે બાળકી પાસે જઈ બાળકીને એકલતાનો લાભ લઈ દુષ્કર્મ આચર્યું હતું. બાળકીએ બુમાબુમ કરતા આરોપી ત્યાંથી ભાગી ગયો હતો. બાળકીનાં પિતાએ પોલીસ મથકે ફરિયાદ નોંધાવતા પોલીસે આરોપીને ગણતરીનાં કલાકોમાં ઝડપી પાડ્યો હતો.