VTV / ગુજરાત / રાજકોટ / A Holi has come.. Goberstick is prepared by the Goshala managers, understand the 2 purposes of doing this and pat yourself on the back.
રાજકોટ / એક હોળી આવી પણ..ગૌશાળા સંચાલકો દ્વારા ગોબરસ્ટિક કરાઇ તૈયાર, આમ કરવાના 2 હેતુ સમજી પીઠ થાબડશો
રાજકોટમાં પર્યાવરણ પ્રેમીઓ દ્વારા વૈદિક હોળીનું અભિયાન હાથ ધરાયું છે. 300થી વધુ આયોજકો ગોબરસ્ટિક દ્વારા હોલિકા દહન કરશે. આ અભિયાન માટે 400 ટન કરતા પણ વધુ ગોબરસ્ટિક તૈયાર કરવામાં આવી છે.
Share
વૈદિક હોળીનું અનોખું અભિયાન
ગૌશાળા સંચાલકો દ્વારા ગોબરસ્ટિક કરી તૈયાર
પર્યાવરણની જાળવણીને લઇ અભિયાન
શહેરનાં પર્યાવરણ પ્રેમીઓ દ્વારા વૈદિક હોળીનું અનોખું અભિયાન હાથ ધરવામાં આવ્યું છે. આ અભિયાન માટે 400 ટન કરતા પણ વધુ ગોબરસ્ટિક તૈયાર કરવામાં આવી છે. અને હોલિકા દહન કરતા 300 થી વધુ આયોજકો આ ગોબરસ્ટિક દ્વારા હોલિકા દહન કરી હોળીનાં તહેવારની અનોખી ઉજવણી કરશે. હોળીના તહેવારમાં પર્યાવરણને નુકસાન થાય નહીં અને ગૌશાળા પણ આત્મનિર્ભર બને તે માટે ગૌશાળાના સંચાલક અને પર્યાવરણ પ્રેમીઓ દ્વારા ગત વર્ષની જેમ આ વર્ષે પણ વૈદિક હોળીનું અભિયાન હાથ ધરવામાં આવ્યું છે.
વર્ષે 100 ટનથી વધુ ગોબરસ્ટિક બનાવવામાં આવી
ગીરગંગા પરિવાર ટ્રસ્ટનાં દિલીપ સખિયાએ જણાવ્યું હતું કે, રાજકોટમાં છેલ્લા 3 વર્ષથી વૈદિક હોળી યજ્ઞની શરૂઆત કરવામાં આવી છે. અને હવે ચોથા વર્ષે પણ વૈદિક હોળી માટેની તૈયારીઓ કરી લેવામાં આવી છે. પ્રથમ વર્ષે શરૂઆતમાં 10 ટન ગોબર સ્ટિક બનાવી હતી જે બાદ બીજા વર્ષે 70 ટન, ત્રીજા વર્ષે 90 ટન અને આ વર્ષે 100 ટનથી વધુ ગોબરસ્ટિક બનાવવામાં આવી છે. આ ગોબરસ્ટિક બનાવવા માટે છેલ્લા એકાદ મહિનાથી તૈયારી કરવામાં આવી રહી છે. જેમાં જુદી-જુદી ગૌશાળા દ્વારા ગાયોના છાણને અલગ- અલગ સ્થળેથી એકત્રિત કરી સતત કામગીરી કરવામાં આવી રહી છે.
ગાયોનો નિભાવ ખર્ચ આ વૈદિક હોળી યજ્ઞ થકી નિકળે છે
વૈદિક હોળીનાં ફાયદાઓ અંગે જણાવતા તેમણે કહ્યું કે, સામાન્ય રીતે જે ગાય દૂધ નથી આપતી. તેનો નિભાવ ખર્ચ ઉપાડવા માટે કોઈ તૈયાર થતા નથી. ત્યારે આવી ગાયોનો નિભાવ ખર્ચ આ વૈદિક હોળી યજ્ઞ થકી નિકળે છે. જેને લઈ આવી ગાયોને ખોરાક મેળવવા માટે ભટકવું પડતું નથી ગોબરસ્ટિકનું વિતરણ રાજકોટ ઉપરાંત નડિયાદ, વડોદરા અમદાવાદ અને જામનગર સહિત સૌરાષ્ટ્ર અને ગુજરાત રાજ્યમાં વિવિધ સ્થળે કરવાની વ્યવસ્થા ઉભી કરવામાં આવી છે.
.png)
