બેઠક / CMની અધ્યક્ષતામાં રાજકોટ ખાતે યોજાઇ ઉચ્ચસ્તરીય બેઠક, PM મોદીના કાર્યક્રમથી લઇને વિવિધ મુદ્દાઓની કરાઇ સમીક્ષા

• વડાપ્રધાન 27 જુલાઈનાં રોજ આવશે ગુજરાત
• સૌરાષ્ટ્રવાસીઓને હિરાસર એરપોર્ટની ભેટ આપશે
• વડાપ્રધાનનાં કાર્યક્રમનાં આયોજન સંદર્ભે યોજાઈ બેઠક

કાર્યક્રમ સંદર્ભે રાજકોટ ખાતે ઉચ્ચસ્તરીય બેઠક યોજાઈ
મુખ્યમંત્રી ભૂપેન્દ્ર પટેલે આ કાર્યક્રમના આયોજન સંદર્ભમાં જિલ્લા વહીવટી તંત્ર  અને એરપોર્ટ ઓથોરિટી તેમજ અન્ય વિભાગોની તૈયારીઓની સમીક્ષા રાજકોટ ખાતે ઉચ્ચસ્તરીય બેઠક યોજીને કરી હતી. મુખ્યમંત્રીએ આ ઉપરાંત રાજકોટ ખાતે વિવિધ વિકાસ કામોના વડાપ્રધાન નરેન્દ્રભાઇ મોદીના  હસ્તે થનારા લોકાર્પણ અને અન્ય કાર્યક્રમો તેમજ જાહેર સભા અંગેના આયોજનની પણ આ  સમીક્ષા બેઠકમાં ઝીણવટપૂર્વક વિગતો મેળવી જરૂરી માર્ગદર્શન આપ્યું હતું.

વડાપ્રધાને સૌરાષ્ટ્રને AIIMS અને ગ્રીન ફિલ્ડ ઇન્ટરનેશનલ એરપોર્ટ એમ બે મોટી ભેટ આપીઃ મુખ્યમંત્રી
મુખ્યમંત્રીએ કહ્યું કે વડાપ્રધાન નરેન્દ્રભાઇ મોદીએ રાજકોટ અને સૌરાષ્ટ્રને AIIMS અને આ ગ્રીન ફિલ્ડ ઇન્ટરનેશનલ એરપોર્ટ એમ બે મોટી ભેટ આપી છે. એટલું જ નહિ આ ઇન્ટર નેશનલ એરપોર્ટને પરિણામે રાજકોટ સમગ્ર સૌરાષ્ટ્રના લોકો માટે વિશ્વ સાથે વેપાર-વાણિજ્યની નવી દિશા ખોલવાનું છે.

મુખ્યમંત્રી શ્રી ભૂપેન્દ્ર પટેલે માનનીય વડાપ્રધાનશ્રીની આગામી 27 જુલાઈની રાજકોટ મુલાકાતના સંદર્ભમાં જિલ્લા વહીવટી તંત્ર, એરપોર્ટ ઓથોરિટી, અન્ય સંબંધિત વિભાગોની તૈયારીઓ બાબતે રાજકોટ ખાતે એક ઉચ્ચસ્તરીય સમીક્ષા બેઠક યોજી હતી.

મુખ્યમંત્રીશ્રીએ માનનીય વડાપ્રધાનશ્રીના હસ્તે હિરાસર… pic.twitter.com/1yNUe8dNqT

— CMO Gujarat (@CMOGuj) July 22, 2023

આ બે ભેટ આપનાર વડાપ્રધાનના  સ્વાગત અને સત્કાર માટે સૌરાષ્ટ્રના લોકો ભારે ઉત્સુક છે. આ સંદર્ભમાં  મુખ્યમંત્રીએ સાંસદઓ, ધારાસભ્યો,પદાધિકારીઓ અને સંગઠન પાંખ સૌ સાથે મળી સમગ્ર કાર્યક્રમને ભવ્ય સફળતા અપાવે તેનું માર્ગદર્શન આપ્યું હતું.

ટ્રાફિક નિયમન તેમજ વરસાદની સ્થિતિ ઉભી થાય તો સલામતી તેમજ સાવચેતીનાં ઉપાયોની સમીક્ષા કરી
મુખ્યમંત્રી  ભુપેન્દ્ર પટેલ શનિવારે રાજકોટના એક દિવસીય પ્રવાસે આવ્યા હતા અને વિવિધ કાર્યક્રમોમાં સહભાગી થતા પહેલા તેમણે વડાપ્રધાનના  તારીખ ૨૭ જુલાઈના કાર્યક્રમોનાં  આયોજનની આખરી  તૈયારીઓની સમીક્ષા આ  બેઠકમાં કરી હતી.  તેમણે  કાર્યક્રમ સ્થળોની સુરક્ષા સલામતિ, બેઠક વ્યવસ્થા, ટ્રાફિક નિયમન અને જો વરસાદની સ્થિતિ ઉભી થાય તો તે સામેના સલામતી સાવચેતીના ઉપાયોની  પણ સર્વગ્રાહી  સમીક્ષા હાથ ધરી હતી.

આ બેઠકમાં મંત્રી રાઘવજી પટેલ, કુંવરજી બાવળિયા, ભાનુબહેન બાબરીયા તેમજ સાંસદઓ જિલ્લા કલેકટર, મ્યુનિસિપલ કમિશનર તેમજ પોલીસ કમિશનર અને એરપોર્ટ ઓથોરિટી સહિત સંબંધિત વિભાગોના વરિષ્ઠ અધિકારીઓ જોડાયા હતા અને પોતાના વિભાગોની કામગીરીની માહિતી આપી હતી.