પ્રતિક્રિયા / 'આ હિંસા અસ્વીકાર્ય', અમેરિકામાં ભારતીય વિદ્યાર્થીઓ પર કરાતા હુમલાને લઇ વ્હાઇટ હાઉસનું મોટું નિવેદન

• અમેરિકામાં ભારતીય વિદ્યાર્થીઓ પર તાજેતરમાં થયેલા હુમલાની વ્હાઈટ હાઉસે નિંદા કરી
• હિંસા કોઈ પણ રીતે વાજબી ઠેરવી શકાય નહીં:  વ્હાઇટ હાઉસ પ્રવક્તા જોન કિર્બી
• હિંસાને યોગ્ય ઠેરવવા માટે કોઈ દલીલ સ્વીકારી શકાય નહીં:  વ્હાઇટ હાઉસ પ્રવક્તા જોન કિર્બી

US Statement Attacks on Indian Students : અમેરિકાના જુદા જુદા ભાગોમાં ભારતીય વિદ્યાર્થીઓ પર તાજેતરમાં થયેલા હુમલાની વ્હાઈટ હાઉસે  નિંદા કરી છે. વાત જાણે એમ છે કે, વ્હાઇટ હાઉસના પ્રવક્તા જોન કિર્બીએ કહ્યું છે કે, હિંસા કોઈ પણ રીતે વાજબી ઠેરવી શકાય નહીં. જ્યારે ભારતીય અમેરિકન સમુદાય અને ભારતીય સમુદાયના વિદ્યાર્થીઓ પર હુમલા વિશે પૂછવામાં આવ્યું ત્યારે કિર્બીએ મીડિયાને કહ્યું કે, હિંસાને યોગ્ય ઠેરવવા માટે કોઈ દલીલ સ્વીકારી શકાય નહીં. આને ધર્મ-લિંગ કે અન્ય કોઈ આધાર પર સ્વીકારી શકાય નહીં. અમેરિકામાં આ અસ્વીકાર્ય છે.

વ્હાઇટ હાઉસના પ્રવક્તા જોન કિર્બીએ કહ્યું છે કે, રાષ્ટ્રપતિ અને તેમનું વહીવટીતંત્ર આવા હુમલાઓને રોકવા માટે ખૂબ જ ખંત અને ગંભીરતાથી કામ કરી રહ્યા છે. સ્થાનિક સત્તાવાળાઓને આવા હુમલા ટાળવા માટે સૂચના આપવામાં આવી છે. અધિકારીઓને સ્પષ્ટ સૂચનાઓ છે કે, જો કોઈ આવી હિંસા કરે છે અથવા નુકસાન પહોંચાડવાનો ઈરાદો ધરાવે છે તો તેને કાયદાકીય રીતે જવાબદાર ગણવામાં આવે. અહેવાલો અનુસાર છેલ્લા કેટલાક અઠવાડિયામાં ઓછામાં ઓછા ચાર ભારતીય અમેરિકન વિદ્યાર્થીઓએ હુમલામાં જીવ ગુમાવ્યો છે.

#WATCH | On attacks on Indian students, NSC Strategic Communications Coordinator John Kirby says, "There is no excuse for violence, certainly based on race or gender or religion or any other factor. That's just unacceptable here in the United States. And the President, his… pic.twitter.com/du7RY2c3pL

— ANI (@ANI) February 15, 2024

વિદ્યાર્થી વિવેક સૈનીની કરાઇ હતી હત્યા
નોંધનિય છે કે, જાન્યુઆરીમાં જ્યોર્જિયાના લિથોનિયામાં ભારતીય વિદ્યાર્થી વિવેક સૈનીની એક પાગલ યુવકે હત્યા કરી હતી. અભ્યાસની સાથે સૈની એક સ્ટોરમાં પણ કામ કરતો હતો. જ્યારે વિદ્યાર્થી સૈયદ મઝહિર અલી પર આ મહિને હુમલો થયો હતો. ઇલિનોઇસ યુનિવર્સિટીમાં અભ્યાસ કરનાર અકુલ ધવન અને પરડ્યુ યુનિવર્સિટીના વિદ્યાર્થી નીલ આચાર્યનું ગયા જાન્યુઆરીમાં અવસાન થયું હતું. આ મહિને ઓહાયોમાં વિદ્યાર્થી શ્રેયસ રેડ્ડીની લાશ મળી આવી હતી.

વધુ વાંચો: જાપાન-બ્રિટન મંદીમાં, અમેરિકા દેવાથી બેહાલ, તો શું હવે ભારત બનશે ગ્લોબલ ઇકોનોમીનું લિડર?

વિદ્યાર્થીઓ ગભરાટમાં
ભારતીય વિદ્યાર્થીઓ પર થયેલા હુમલા અને મૃત્યુને કારણે ત્યાં ભણતા વિદ્યાર્થીઓ ગભરાટમાં છે. તેઓ ભયના છાયા હેઠળ જીવી રહ્યા છે. ભારતીય વિદેશ મંત્રાલયે વિદ્યાર્થીઓ પર થયેલા હુમલાનો જવાબ આપ્યો હતો. વિદેશ મંત્રાલયના પ્રવક્તા રણધીર જયસ્વાલે 8 ફેબ્રુઆરીએ જણાવ્યું હતું કે મૃત્યુ પામેલા પાંચ ભારતીય વિદ્યાર્થીઓ છે. તેમાં ભારતીય પ્રવાસી વિદ્યાર્થીઓનો પણ સમાવેશ થાય છે. આ પાંચમાંથી બે ભારતના નાગરિક છે અને બાકીના ત્રણ ભારતીય મૂળના અમેરિકન નાગરિક છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો