મોટા સમાચાર / આ બૅન્કના ગ્રાહકોને મોટો ઝટકો: લોન લીધી હોય તો હવે વધી જશે હપ્તા, જાણો કોને થશે અસર

• ઈન્ડિયન બેંકના ગ્રાહકો માટે એક મોટા સમાચાર
• બેંકે તમામ મુદત માટે MCLRમાં 0.05 ટકાનો વધારો કર્યો
• ઓવરનાઈટ MCLR હવે વધીને 8.15 ટકા થઈ ગયો

Indian Bank : ઈન્ડિયન બેંકના ગ્રાહકો માટે એક મોટા સમાચાર સામે આવી રહ્યા છે. વાત જાણે એમ છે કે, જાહેર ક્ષેત્રની મુખ્ય બેંકોમાંની એક ભારતીય બેંકે ફંડ આધારિત ધિરાણ દરો (MCLR)ની માર્જિનલ કોસ્ટમાં વધારો કર્યો છે. મતલબ કે જો તમારી લોન MCLR સાથે લિંક હશે તો તમારી EMI વધી જશે. ઈન્ડિયન બેંકે તમામ મુદત માટે MCLRમાં 0.05 ટકાનો વધારો કર્યો છે. ઓવરનાઈટ MCLR હવે વધીને 8.15 ટકા થઈ ગયો છે જે પહેલા 8.10 ટકા હતો.

ઈન્ડિયન બેંકે તમામ મુદત માટે MCLRમાં 0.05 ટકાનો વધારો કરતાં હવે 1 મહિનાનો MCLR 8.30 ટકાથી વધીને 8.35 ટકા થયો છે. 3 મહિના માટે MCLR 8.50 ટકા અને 6 મહિના માટે 8.70 ટકા થઈ ગયો.

1 વર્ષના MCLRની વાત કરીએ તો તે 8.80 ટકાથી વધીને 8.85 ટકા થઈ ગઈ છે. વધેલા નવા દરો 3 ફેબ્રુઆરી 2024થી અમલમાં આવી ગયા છે.

વધુ વાંચો: ફોન બદલવાનું વિચારનારા માટે ગુડ ન્યૂઝ! આ જાણીતી કંપનીને બે જબરદસ્ત સ્માર્ટફોનને કરી નાખ્યા ઘણા સસ્તા

આ તરફ જાહેર ક્ષેત્રની બેંક ઓફ ઈન્ડિયાએ પણ MCLRમાં વધારો કર્યો હતો જે 1 ફેબ્રુઆરી 2024થી અમલમાં આવ્યો હતો. બેંક ઓફ ઈન્ડિયાએ રાતોરાત MCLRમાં 0.10 ટકા અને 1 મહિનાના MCLRમાં 0.05 ટકાનો વધારો કર્યો હતો.