ના હોય / અદ્ભુત! આ મહિલાએ 74 વર્ષ સુધી નોકરી કરી પણ એકેય રજા ન લીધી, 90ની ઉંમરે થયા રિટાયર

• 17 વર્ષની ઉંમરે નોકરી શરૂ કરી
• એક પણ રજા લીધા વગર કરી નોકરી
• 74 વર્ષ સુધી કામ કર્યા પછી 90 વર્ષે નિવૃત્ત

અમેરિકાના ટેક્સાસમાં આવેલ એક ડિપાર્ટમેન્ટલ સ્ટોરમાં 74 વર્ષ સુધી સતત કામ કર્યા પછી મહિલા 90 વર્ષે નિવૃત્ત થઈ છે. મેલ્બા મેબેન નામની આ મહિલાએ 7 દાયકા સુધી કામ કર્યું છે, પરંતુ એક પણ રજા લીધી નહોતી. 

17 વર્ષની ઉંમરે નોકરી શરૂ કરી
મેલ્બા મેબેને વર્ષ 1956માં ડિલાર્ડના રિટેઈલ સ્ટોરમાં કામ શરૂ કર્યું હતું અને ત્યારે તેની ઉંમર માત્ર 17 વર્ષ હતી. અગાઉ લિફ્ટ ગર્લ તરીકે કરિઅરની શરૂઆત કરી હતી. ત્યાર પછી કોસ્મેટીક ડિપાર્ટમેન્ટમાં ટ્રાન્સફર કરી દેવામાં આવી. કરિઅરમાં પ્રભાવશાળી કામ કર્યા પછી 90 વર્ષની ઉંમરે રિટાયર થતા આ મહિલાને સમ્માનિત કરવામાં આવી છે. 

74 વર્ષમાં એક પણ રજા લીધી નથી
સ્ટોરના ક્લાયન્ટ અને કર્મીઓ અનુસાર આ મહિલા ખૂબ પોઝિટીવ એટ્ટીટ્યુડથી સર્વિસ આપી રહી છે. 90 વર્ષ થવા છતાં એક પણ સિક લીવ લીધી નથી. સ્ટોર મેનેજર જેમ્સ સૈન્ઝે જણાવ્યું છે કે, મેલ્બાએ તમામ વસ્તુ અને તમામ ગ્રાહકની સેવાની ગુણવત્તાનું ધ્યાન રાખતી હતી. સમગ્ર કરિઅર દરમિયાન અનેક લોકોને તાલીમ આપી છે, જેથી તેઓ આગળ વધી શકે. 

મેલ્બા એક સારી શીખ આપીને જશે
સ્ટોર મેનેજરે વધુમાં જણાવ્યું છે કે, શું 90 વર્ષ સુધી કોઈપણ વ્યક્તિએ મેલ્બાની જેમ કામ કર્યું હશે? મેલ્બા જીવનભરની શીખ આપીને જશે. તેમના મિલનસાર સ્વભાવને કારણે મેલ્બા ખૂબ જ ઝડપથી મિત્રો બનાવી લેતી હતી. 

મેલ્બાના પુત્રનું નિવેદન
મેલ્બાએ રિટાયરમેન્ટ સમયે જણાવ્યું કે, ‘જે મહિલાઓને ખાવુ, હસવું અને વાતચીત કરવી પસંદ છે, તે મહિલાઓ સાથે કામ કરીને ખરેખર ખુશી થઈ છે.’ મેલ્બાના પુત્ર ટેરી મેબેને જણાવ્યું કે, તેમની માતા પર કામ પર જતી હતી, તેની ખૂબ જ સારી યાદો છે. તેમના વર્ક એથિક્સથી મને ખૂબ જ પ્રેરણા મળી છે. 

10 વાગ્યે સ્ટોર ખુલતો હતો, પરંતુ 9 વાગ્યે પહોંચી જતી હતી
મેલ્બાના પુત્ર ટેરી મેબેન વધુમાં જણાવે છે કે, ‘હું મારી મમ્મી સાથે સ્ટોરની આસપાસ ફરતો હતો, તેઓ ડિલાર્ડમાં મોટા થયા છે. સ્ટોર 10 વાગ્યે ખુલતો હતો, પરંતુ પાર્કિંગની જગ્યા મેળવવા માટે મમ્મી 9 વાગ્યે પહોંચી જતી હતી. 9:15 સુધીમાં સ્ટોર પર આવનાર પહેલી વ્યક્તિ નથી અને તેમનું કાઉન્ટર હંમેશા તૈયાર રહેતું હતું. બપોરનું જમવાનું જમીને 25 મિનિટમાં જમીને સ્ટોર પર આવી જતી હતી અને સમયસર ઘરે પણ આવી જતી હતી. તેમનો તમામ દિવસ આ રીતે જ પસાર થયો છે.’