ક્રાઈમ / 70 વર્ષના ફૂવાએ 4 વર્ષની સાળાની દીકરી સાથે આચર્યું દુષ્કર્મ, ધૃણાસ્પદ ઘટના આવી રીતે આવી બહાર, અરવલ્લી પંથકમાં અચંબો

• બાયડમાં 76 વર્ષીય વૃદ્ધે ચાર વર્ષની બાળકી પર દુષ્કર્મ આચર્યું
• રાહદારી આ વૃદ્ધનુ અભદ્ર કૃત્ય જોઈ જતા સમગ્ર મામલો સામે આવ્યો હતો
• ચાર વર્ષની બાળકીને સારવાર માટે હિંમતનગર સિવિલ હોસ્પિટલ ખસેડાઈ

અરવલ્લી જિલ્લામાં ચાર વર્ષની બાળકી ઉપર દુષ્કર્મની ઘટના સામે આવી છે, અરવલ્લી જિલ્લાના બાયડ તાલુકમાં આવેલા સાઠંબા પોલીસ સ્ટેશનમાં ચાર વર્ષની બાળકી ઉપર પોતાનાજ ફૂવાએ દુષ્કર્મ આચર્યું હોવાની પોલીસ ફરિયાદ નોંધાઈ છે. ત્યારે આ મામલે પોલીસે પોસ્કો અને દુષ્કર્મનો ગુનો નોંધી આરોપીને ઝડપી પાડી કાયદેસરની કાર્યવાહી હાથ ધરી છે.

ચાર વર્ષની બાળકી પર દુષ્કર્મ
ચાર વર્ષની બાળકી પોતાના ઘરમાં રમી રહી હતી ત્યારે પોતાનાજ સંબંધી 76 વર્ષીય વૃદ્ધે લલચાવી ફોસલાવી ખેતરમાં લઇ જઈ દૂષ્કર્મ આચર્યું હતું. આ દરમિયાનમાં એક રાહદારી આ વૃદ્ધનુ અભદ્ર કૃત્ય જોઈ જતા સમગ્ર મામલો સામે આવ્યો હતો. સમગ્ર બાબતને લઈ રોષે ભરાયેલા લોકોએ આ વૃદ્ધને મેથીપાક ચખાડ્યો હતો. બાળકીને આ નરાધમ પાસેથી છોડાવી સારવાર માટે હિંમતનગર સિવિલ હોસ્પિટલ ખાતે લઇ જવાઈ હતી, જ્યારે આરોપી વૃદ્ધ વિરૂદ્ધ પોલીસ ફરિયાદ નોંધાઈ છે.

પોલીસે કાયદેસરની કાર્યવાહી હાથ ધરી
જો કે, આ સંબંધો લજવતા કિસ્સાને લઈ સમગ્ર પંથંકમાં ફિટકાર જોવા મળી રહી છે. પોલીસે વૃદ્ધને ઝડપી કાયદેસરની કાર્યવાહી હાથ ધરી છે. આ નરાધમે પોતાની હવસ સંતોષવા બાળકીને પંખી નાંખતા તેના પ્રત્યે લોકોમાં દ્રેષ જોવા મળી રહ્યો છે.