NULL / સુરેન્દ્રનગર જિલ્લા પંચાયતમાં ભંગાણ, કોંગ્રેસના 5 સભ્યોએ કર્યા કેસરિયા

સુરેન્દ્રનગરના કોંગ્રેસ શાસિત જિલ્લા પંચાયતમાં ભંગાણ સર્જાયું છે. જિલ્લા પંચાયતના કોંગ્રેસના 5 સભ્યો ભાજપમાં જોડાયા છે. તેઓ વિજય સંકલ્પ સંમેલનમાં ભાજપમાં જોડાયા છે.



ભાજપના પ્રદેશ પ્રમુખ જીતુ વાઘાણીએ ભાજપનો ખેસ પહેરાવીને તેમણે આવકાર્યા હતાં. આથી જિલ્લા પંચાયતના રાજકારણમાં ગરમાવો આવ્યો છે. આ 5 સભ્યો ભાજપમાં જોડાયા બાદની સ્થિતિ જોઇએ તો હવે ભાજપની 16 અને કોંગ્રેસની 18 બેઠક થઇ છે.




લોકસભાની ચૂંટણીના ઢોલ ઢબૂકતા જ દરેક રાજકીય પક્ષ હરકતમાં આવ્યા છે અને પોતાનો પક્ષ વધુ મોટી રીતે ઉભરી આવે અને સત્તામાં આવે તે માટે કમર કસી છે. આ તમામ બાબતો વચ્ચે રાજકીય પક્ષો દ્વારા તોડજોડની રાજનીતિ પણ શરૂ થઇ છે. જેને પરિણામે કોંગ્રેસના કેટલાક નેતાઓ ભાજપમાં અને કેટલાક નેતાઓ કોંગ્રેસમાં જોડાઇ રહ્યા છે. 

ત્યારે આજરોજ સુરન્દ્રનગર જિલ્લા પંચાયતના કોંગ્રેસના 5 સભ્યો આજરોજ ભાજપમાં જોડાઇ જતા કોંગ્રેસના ગઢમાં ગાબડું પડ્યું હતુ. આ સભ્યોએ આજરોજ વિજય સંકલ્પ સંમેલનમાં ભાજપના પ્રદેશ પ્રમુખ જીતુ વાઘાણીની વિશેષ ઉપસ્થિતિમાં ભાજપમાં જોડાયા હતા.


 
આપને જણાવી દઇએ કે, સુરન્દ્રનગર જિલ્લા પંચાયત હાલ કોંગ્રેસ શાસિત છે. ત્યારે આજની ઘટના બાદ ભાજપની 16 અને કોંગ્રેસની 18 બેઠક થઇ છે. ત્યારે આજરોજ કોંગ્રેસના 5 સભ્યોએ કેસરિયા કરતા સુરેન્દ્રનગરના રાજકારણમાં હડકંપ મચી જવા પામ્યો હતો.