તમારા કામનું / હજી 2000ની નોટ નથી બદલાવી? તો જલ્દી કરો, આજે છે લાસ્ટ ડેડલાઇન, RBI આપી શકે છે સૌથી મોટી અપડેટ

• 2000ની નોટને બંધ થવાને હવે બસ આજના દિવસનો સમય બચ્યો
• 1 ઓક્ટોબરે કોઈ વ્યક્તિ પાસે 2000 રૂપિયાની નોટ હશે તો તેનું શું થશે?
• RBI નોટ બદલવાની સમયમર્યાદા લંબાવી શકે છે.. -રિપોર્ટ 

2000 Rupees Note Exchange Last Date: 2000ની નોટને બંધ થવાને હવે બસ આજના દિવસનો સમય બચ્યો છે. એટલે કે 1 ઓક્ટોબરથી આ નોટ નહીં ચાલે. એટલે જો તમારી પાસે હજુ પણ 2000ની નોટ હોય તો તેને આજે બદલાવી લેજો નહીંતર કાલથી તે નકામી બની શકે છે.

નોટો બદલવાની છેલ્લી તારીખ 30 સપ્ટેમ્બર 
તમે તમારી નજીકની કોઈપણ બેંકમાં જઈને આ નોટો બદલી શકો છો. તમને જણાવી દઈએ કે બેંકોમાં 2000 રૂપિયાની નોટ જમા કરાવવા અથવા બદલવાની અંતિમ તારીખ 30 સપ્ટેમ્બર છે. આરબીઆઈએ 19 મેના રોજ સ્પષ્ટ કર્યું હતું કે 2000 રૂપિયાની નોટ ચલણમાંથી બહાર કાઢવામાં આવી રહી છે. આવી સ્થિતિમાં, ત્યારથી લઈને અત્યાર સુધીમાં લોકોએ 2000 રૂપિયાની ઘણી નોટો બદલી છે. અત્યાર સુધી 2000 રૂપિયાની કરોડો નોટો બેંકોમાં પહોંચી ગઈ છે. આવી સ્થિતિમાં, આ નોટો બદલવાની તમારી આ છેલ્લી તક છે.

હવે ઘણા લોકોના મનમાં આ સવાલ છે કે જો કોઈ વ્યક્તિ પાસે 30 સપ્ટેમ્બર પછી અને 1 ઓક્ટોબર 2023થી 2000 રૂપિયાની નોટ હશે તો તેનું શું થશે?

30 સપ્ટેમ્બર પછી પણ 2000 રૂપિયાની પડી હશે તો તેનું શું થશે?
આ અંગે આરબીઆઈએ કહ્યું છે કે 30 સપ્ટેમ્બર પછી પણ 2000 રૂપિયાની બેંક નોટ લીગલ ટેન્ડર રહેશે. જો કે આ તારીખ પછી, લોકો બેંકમાં 2000 રૂપિયાની નોટ જમા કરી શકતા નથી અને ન તો તેઓ બેંકમાંથી બદલી કરાવી શકે છે. લોકો માત્ર RBIમાં જઈને 2000 રૂપિયાની નોટ બદલી શકે છે. એટલે કે જો કોઈ વ્યક્તિ 30 સપ્ટેમ્બર પછી  રૂ. 2000ની નોટો બદલાવવા જાય છે તો તેને આરબીઆઈને સ્પષ્ટપણે સમજાવવું પડશે કે તે નિર્ધારિત તારીખ સુધીમાં બદલાયેલી રૂ. 2000ની નોટ કેમ જમા કરવી નહીં. 

RBI નોટ બદલવાની સમયમર્યાદા લંબાવી શકે છે.. 
એક રિપોર્ટ અનુસાર, RBI રૂ. 2000ની નોટ બદલવાની સમયમર્યાદા 31 ઓક્ટોબર સુધી લંબાવી શકે છે. એક વરિષ્ઠ અધિકારીએ માહિતી આપી છે કે RBI 24000 કરોડ રૂપિયાની બાકીની 2000ની નોટોને બેંકિંગ સિસ્ટમમાં પાછી બોલાવવાની સમયમર્યાદા લંબાવવા પર વિચાર કરી રહી છે. જો કે આ મામલે હજુ સુધી આરબીઆઈ તરફથી કોઈ નક્કર માહિતી આવી નથી. સમયમર્યાદા લંબાવવા પાછળ ઘણા કારણો છે પણ મુખ્ય કારણ એ છે કે ઘણા ભારતીયો વિદેશમાં રહે છે. આવી સ્થિતિમાં આ NRIને આ નોટો બેંકોમાં જમા કરાવવા માટે વધુ એક મહિનાનો સમય મળી શકે છે. 

RBI એ મે મહિનામાં નોટો પાછી ખેંચવાની જાહેરાત કરી હતી 
નોંધનીય છે કે મે મહિનામાં ભારતીય રિઝર્વ બેંક (RBI) એ જાહેરાત કરી હતી કે તે 2000 રૂપિયાની નોટો પાછી ખેંચી લેશે. 2016માં નોટબંધી બાદ RBI દ્વારા 2000 રૂપિયાની નોટો જારી કરવામાં આવી હતી, પરંતુ મે 2023માં RBIએ આ 2000 રૂપિયાની નોટો પણ પાછી ખેંચવાની જાહેરાત કરી છે. આ પછી લોકોને આ નોટો બેંકમાં જમા કરાવવા અથવા બદલી કરાવવા માટે કહેવામાં આવ્યું હતું. આ સાથે આરબીઆઈએ તારીખ નક્કી કરતાં કહ્યું હતું કે લોકો 30 સપ્ટેમ્બર, 2023 સુધી તેમના બેંક ખાતામાં 2000 રૂપિયાની નોટો જમા કરાવી શકે છે અથવા તો બેંકમાં જઈને આ નોટો એક્સચેન્જ કરાવી શકે છે. આ પછી ધીમે ધીમે લોકોએ બેંકમાં 2000 રૂપિયાની નોટ બદલવાની પ્રક્રિયા શરૂ કરી.

 નોંધનીય છે કે નવેમ્બર 2016માં નોટબંધી બાદ 2 રૂપિયાની નોટ રજૂ કરવામાં આવી હતી. જે સમયે 2000 રૂપિયાની નોટ ચલણમાં આવી હતી. ત્યારે આરબીઆઈએ કહ્યું હતું કે 500 અને 1000 રૂપિયાની નોટોના કાનૂની ટેન્ડરને સમાપ્ત કર્યા બાદ તેણે ચલણની જરૂરિયાતને પહોંચી વળવા માટે 2000 રૂપિયાની નોટ બહાર પાડી હતી.