Techno Tips / એવાં 20 પાસવર્ડ જેને ભારતીયો કરે છે સૌથી વધારે ઉપયોગ, 1 સેકેન્ડથી પણ ઓછાં સમયમાં થઈ શકે છે હેક, આ રીતે બનાવો સ્ટ્રોંગ

• હેકર્સ એક પળમાં આવો સરળ પાસવર્ડ ક્રેક કરી શકે છે
• ભારતમાં સામાન્ય રીતે ઉપયોગમાં લેવાતા પાસવર્ડ્સની લીસ્ટ
• ભારતમાં સૌથી વધુ ઉપયોગમાં લેવાતા પાસવર્ડની યાદી જાહેર

આજકાલ આપણી પાસે એટલા બધા એકાઉન્ટ છે કે તેમના પાસવર્ડ યાદ રાખવા મુશ્કેલ બની જાય છે. આવી સ્થિતિમાં લોકો સરળ પાસવર્ડ રાખે છે જેને સરળતાથી યાદ રાખી શકાય. પરંતુ આમ કરવું ઘણું મોંઘું પડી શકે છે. ઘણી વખત યુઝર્સને કહેવામાં આવ્યું છે કે તેમને પાસવર્ડ્સ વિશે સાવધાન રહેવું જોઈએ કારણ કે હેકર્સ એક પળમાં સરળ પાસવર્ડ ક્રેક કરી શકે છે અને પછી એકાઉન્ટ ખાલી કરી શકે છે. પરંતુ હજુ પણ ઘણા યુઝર્સ તેને અનુસરતા નથી.

તાજેતરમાં નોર્ડપાસે એક યાદી બહાર પાડી છે જેમાં ભારતમાં સૌથી વધુ ઉપયોગમાં લેવાતા પાસવર્ડ જાહેર કરવામાં આવ્યા છે. આ બધા પાસવર્ડ્સ ખૂબ જ સરળ છે અને તેને ક્રેક કરીને એકાઉન્ટ ખાલી કરવું ખૂબ જ સરળ છે. સૂચિ જુઓ-

ભારતમાં સામાન્ય રીતે ઉપયોગમાં લેવાતા પાસવર્ડ્સની લીસ્ટ:

1. 123456
2. admin
3. 12345678
4. 12345
5. password
6. Pass@123
7. 123456789
8. Admin@123
9. India@123
10. admin@123
11. Pass@1234
12. 1234567890
13. Abcd@1234
14. Welcome@123
15. Abcd@123
16. admin123
17. administrator
18. Password@123
19. Password
20. UNKNOWN

Nordpass એ એક સર્વે કર્યો છે અને તેમાં કેટલીક બાબતો શેર કરી છે. સર્વેમાં જાણવા મળ્યું છે કે ફાઇનાન્શિયલ સર્વિસ પ્લેટફોર્મના પાસવર્ડ સૌથી મજબૂત હોય છે. પરંતુ NordPass મુજબ, લોકો સ્ટ્રીમિંગ એકાઉન્ટ્સ માટે સૌથી સરળ પાસવર્ડ સેટ કરે છે. એડમિન એ ભારતમાં બીજા નંબરનો સૌથી વધુ ઉપયોગમાં લેવાતો પાસવર્ડ છે.

લોકો નંબરના આધારે પાસવર્ડ પણ રાખે છે, જેમાંથી સૌથી ફેવરિટ પાસવર્ડ 123456 છે. ભારતમાં તેનો સૌથી વધુ ઉપયોગ થાય છે. NordPass કહે છે કે વિશ્વના સૌથી વધુ ઉપયોગમાં લેવાતા પાસવર્ડ્સમાં આ નંબરોની ટકાવારી 31% છે. India@124 પણ આમાંથી એક છે અને તે ખૂબ જ સામાન્ય પાસવર્ડ પણ છે.

રિપોર્ટમાં એમ પણ કહેવામાં આવ્યું છે કે બ્રાઉઝર પર સેવ કરવામાં આવેલા પાસવર્ડ બહુ સુરક્ષિત નથી. આવી સ્થિતિમાં તમારે પાસવર્ડને અન્ય જગ્યાએ સેવ કરવો જોઈએ જેથી કરીને તે સુરક્ષિત રહે. સુરક્ષાના સંદર્ભમાં, NordPass કહે છે કે આ વર્ષે તેની સૂચિમાં લગભગ 70 ટકા પાસવર્ડ્સ એક સેકન્ડથી ઓછા સમયમાં ક્રેક થઈ શકે છે. આવી સ્થિતિમાં યુઝર્સે હંમેશા એવા પાસવર્ડ રાખવા જોઈએ જેને સરળતાથી ક્રેક ન કરી શકાય. તે જ સમયે, એકાઉન્ટ પર હંમેશા ટુ-સ્ટેપ વેરિફિકેશન ચાલુ રાખવું જોઈએ.